影片
更多
2020-05-19
52 瀏覽
夏天要減肥嘅關係，我試緊斷食法，即日一有八個鐘可以任食，其餘時間就唔可以食嘢。發覺都慳左唔少錢。因為永遠午餐都比晚市抵食😆😆今日決定任食嘅時間奉獻比火鍋🥰上OpenRice 搵到我最愛嘅麻辣火鍋，仲要俾我見到佢做緊午市免湯底收費的優惠，當然要試下啦。我地十二點鬆啲就上咗去，可能仲未到放lunch 時間，所以暫時都係得我哋一枱。餐廳環境都幾整潔同光猛。因為男朋友唔嗜麻辣，所以我地叫左個鴛鴦鍋。一邊系麻辣，一邊系山珍菌湯。點完湯底之後，侍應就上咗個免費嘅甜品～雪耳紅棗糖水。唔會太甜，感覺非常滋潤。🧡而且餐廳有提供圍裙，唔使驚食野嘅時候彈到件衫周圍都係漬。餐廳利用QR code 網上點餐，好方便，又唔驚會甩單或者落錯單。我地叫左半份美國安格斯肥牛，半份紐西蘭羊肉卷，睇下半份嘅份量係幾多先。發覺原來半份嘅份量都唔算少，我地基本上都唔洗慳住慳住咁食。(以下所有份量都係半份)肥牛嘅雪花分布均勻，而且牛肉都幾重牛味，滾耐咗都唔會覺得啲肉好鞋，肉質幾軟，配埋麻辣湯都非常惹味。如果鐘意食羊肉，呢度嘅羊肉都一定唔好放過呀。😜我覺得羊唔羶，就唔好味。呢度嘅羊有少少羶味，但又未至於勁羶，配埋麻辣湯底羊肉嘅味道
今日決定任食嘅時間奉獻比火鍋🥰
上OpenRice 搵到我最愛嘅麻辣火鍋，仲要俾我見到佢做緊午市免湯底收費的優惠，當然要試下啦。
我地十二點鬆啲就上咗去，可能仲未到放lunch 時間，所以暫時都係得我哋一枱。
餐廳環境都幾整潔同光猛。
因為男朋友唔嗜麻辣，所以我地叫左個鴛鴦鍋。一邊系麻辣，一邊系山珍菌湯。
點完湯底之後，侍應就上咗個免費嘅甜品～雪耳紅棗糖水。唔會太甜，感覺非常滋潤。🧡
而且餐廳有提供圍裙，唔使驚食野嘅時候彈到件衫周圍都係漬。
餐廳利用QR code 網上點餐，好方便，又唔驚會甩單或者落錯單。
我地叫左半份美國安格斯肥牛，半份紐西蘭羊肉卷，睇下半份嘅份量係幾多先。發覺原來半份嘅份量都唔算少，我地基本上都唔洗慳住慳住咁食。(以下所有份量都係半份)
肥牛嘅雪花分布均勻，而且牛肉都幾重牛味，滾耐咗都唔會覺得啲肉好鞋，肉質幾軟，配埋麻辣湯都非常惹味。
如果鐘意食羊肉，呢度嘅羊肉都一定唔好放過呀。😜我覺得羊唔羶，就唔好味。呢度嘅羊有少少羶味，但又未至於勁羶，配埋麻辣湯底羊肉嘅味道即刻豐富左，非常惹味。
大家一定要一定要一定要點呢個鮮活海蟶黎試下呀❗️❗️
半份$39有六隻，個人覺得非常抵食。
而且海蟶鮮甜飽滿，肉質細嫩，食落冇沙，非常有驚喜，估唔到咁好食。
食完肉類，再睇下有無蔬菜平衡一下。
我就叫左淮山條，萵筍條同油麥菜。
原來依度的淮山條係包括紫淮山，食落紫淮山比白色的爽口同淮山味濃多一點點。
之後我地仲試左打邊邊一定要有的丸類，我地叫左包心魚丸同牛筋丸。
包心魚丸外層魚蛋皮軟身，中間有啲肉餡，彈牙多汁，兩種唔同嘅口感放埋一齊感覺好得意。🤗
牛筋丸就爽口彈牙。
除左以上果啲食物之外我地仲叫左鮮蝦雲吞、珊瑚蚌、午餐肉、韭豬肉水餃同埋叫左支豆奶飲😂😂😂
埋單都係六百鬆啲，比我想像中抵食。
因為上次同男朋友係旺角另一間火鍋店食咗差唔多都係咁多嘢買單都要成千蚊。💸
張貼
