鮨一日本料理 (翠怡花園)

營業中

休息中

久不久就會去太和翠怡花園食嘢，因為果度有好多小店，其中一間居酒屋 「鮨一🏮」係一間比較細嘅小店，但見經常座無虛席，所以我就揀咗佢入去試吓。點咗千層海膽飯、味醂魚乾、日本真蠔、炸一口芝士、鮨一沙律、蒲燒鰻魚飯。😋千層海膽飯 賣相極吸引，疊成小山嘅海膽，一片片睇很出新鮮，入口即溶。海膽下是吞拿魚蓉，用紫菜包裹食，真係啖啖滋味！😋日本真蠔🦪 新鮮又肥美，滑溜鮮甜，入口即溶，而且好大隻，好正！😋味醂魚乾 送清洒一流，入口甜甜，咬落去煙韌惹味。😋 炸一口芝士 也是很適合送清酒的小食，外脆內軟，包含著拉絲芝士🧀！😋 鮨一沙律🥗 有三文魚籽、蟹籽，好豐富。而且其他料理都比較濃味，接著食新鮮嘅沙律好適合。😋 蒲燒鰻魚飯 鰻魚大條肥美，用炭火燒到好香，醬汁好惹味。食鰻魚最怕滿口幼魚骨，但呢塊鰻魚肉厚，而且整條食哂，只係得一條又幼又短嘅軟魚骨，高質！