醉胡爐 (已搬遷) 新店位置

終於試到一間一直想食既餐廳我哋四個人佢就已經俾咗個包箱我哋，四個人已經有獨立嘅空間真係好唔錯分別叫咗兩個鍋，胡爐醉八鮮鍋 $398同青麻辣豬手鍋 $298，湯底必飲王牌胡爐醉八鮮鍋總共有八種海鮮喺裏面，本身海鮮喺入面係生既，店員拎到入嚟會喺個電磁爐上面炒佢，用熱力令佢熟，再會加啲玫瑰酒點火令到佢有火焰🔥海鮮包括龍蝦，蜆，螺，青口，鮑魚，花膠，魚翅最後再加啲龍蝦湯入去，湯底超鮮甜又濃郁，連啲蕃茄都好入味青麻辣豬手鍋勁似酸菜魚嘅味道，啲麻辣味好正，連裏面啲豬皮都好入麻辣味。胡爐十二道牛盛盒 $ 688一碟裏面竟然有12種牛，排到好靚，擺盤有心思，我哋最有印象深刻就係花雕牛，好香花雕味而且好滑丸類拼盤$ 128有四款，全部都係手工制，分別有蝦丸，黑松露墨魚丸，手打牛丸同西洋菜丸，我最鍾意食就係蝦丸，其次就係黑松露墨魚丸，每隻丸都真材實料，爽口彈牙餃子拼盤$128餃子都係即叫即包（韭菜，黑松露，香菇，干貝）皮薄餡多，好食招牌炸魚皮 $78鍾意食魚皮唔好錯過呢個，有別出面攞貨嘅魚皮，又自己切魚皮去到炸都係手工制，特別香脆無油膩味蔬菜拼盤(小) $ 63最後一定要食菜，朋友唔想食咁多，所以我哋就叫