影片
更多
2024-09-22
295 瀏覽
「禪」 𝔗𝔦𝔪𝔢 𝔣𝔬𝔯 𝔤𝔬𝔬𝔡 𝔣𝔬𝔬𝔡今日同朋友去行街，見到呢間新店有我最愛嘅日式忌廉撈烏冬，裝修幾精緻，全店走日式木系風，餐品個樣都幾吸引:🍤吉列大蝦🤍🧡白咖喱烏冬 （4隻🦐） $128上面佈滿薯泥和新鮮奶油混合的鮮忌廉，一入口會食好香嘅咖喱粉味，撈勻之後會帶少少香辣，但係辣度好低，因為鮮忌廉中和咗辣味，怕辣嘅朋友都應該食到。吉列大蝦質素都唔錯，使用日式炸蝦煮法，脆卜卜嘅大蝦🍤配合咗日式蛋黃醬，食落勁香口！咖哩🍛入面有大量洋蔥同埋少量牛肉粒，而薯蓉質地就勁細滑，忌廉配搭烏冬令到質地入喉好順滑，烏冬質地煙靭，整個配搭味道都好食！🥢🥩美國安格斯月見蛋🍳丼 $138安格斯牛燒至大約七成熟，保留些少嫩紅色，月見蛋來自日本，顏色略帶橙黃色，日本珍珠米粒粒分明，質地黏而不膩，飯上面仲有日式蔥花同紫菜碎碎，入面仲加咗少量甜豉油作為調味，香濃蛋汁再混合安格斯牛肉，令到呢個丼飯更加好食！甜點 🍵🧊💚抹茶刨冰 $108外表勁靚呀，入口🍵抹茶味香濃，呢個甜品並無加大量糖漿，反而加咗香甜紅豆增加甜蜜味道，味道平衡做得不錯：呢個刨冰亦冇苦澀味，上面仲加咗些少芝士奶蓋，帶好輕微嘅酸味，入面仲有好多日式白丸
今日同朋友去行街，見到呢間新店有我最愛嘅日式忌廉撈烏冬，裝修幾精緻，全店走日式木系風，餐品個樣都幾吸引:
🍤吉列大蝦🤍🧡白咖喱烏冬 （4隻🦐） $128
上面佈滿薯泥和新鮮奶油混合的鮮忌廉，一入口會食好香嘅咖喱粉味，撈勻之後會帶少少香辣，但係辣度好低，因為鮮忌廉中和咗辣味，怕辣嘅朋友都應該食到。
吉列大蝦質素都唔錯，使用日式炸蝦煮法，脆卜卜嘅大蝦🍤配合咗日式蛋黃醬，食落勁香口！
咖哩🍛入面有大量洋蔥同埋少量牛肉粒，而薯蓉質地就勁細滑，忌廉配搭烏冬令到質地入喉好順滑，烏冬質地煙靭，整個配搭味道都好食！
🥢🥩美國安格斯月見蛋🍳丼 $138
安格斯牛燒至大約七成熟，保留些少嫩紅色，月見蛋來自日本，顏色略帶橙黃色，日本珍珠米粒粒分明，質地黏而不膩，飯上面仲有日式蔥花同紫菜碎碎，入面仲加咗少量甜豉油作為調味，香濃蛋汁再混合安格斯牛肉，令到呢個丼飯更加好食！
甜點 🍵🧊
💚抹茶刨冰 $108
外表勁靚呀，入口🍵抹茶味香濃，呢個甜品並無加大量糖漿，反而加咗香甜紅豆增加甜蜜味道，味道平衡做得不錯：呢個刨冰亦冇苦澀味，上面仲加咗些少芝士奶蓋，帶好輕微嘅酸味，入面仲有好多日式白丸子，煙煙韌韌好有口感，食完呢個刨冰非常之消暑！
⭐️餐點全部都幾精緻，份量對女仔來講剛剛好，男仔or大胃王可能要點多款菜色！(｡◕∀◕｡)
張貼
