麻辣香鍋

營業中

休息中

今日冇煮飯，放工同屋企人去麻辣香鍋食川菜🔥🔥熗炒萵荀絲萵荀清甜好食，因加了辣椒去炒，都幾辣🙈🐟酸萊炒鯛魚片好多酸菜，夠酸夠辣夠醒胃，鐘意酸辣一定要叫。鯛魚片又好食，口感帶爽，令人一片一片係咁食。香鍋 醬香熱辣辣，即叫即炒，之前兩個菜都選了辣的，呢個香鍋走左辣，但都係好惹味，調味適中，老豆食得好開心。有好多配料比你揀，最少五個餸就會起炒喇，價錢有平有貴，自由配搭，我哋選了爽口嘅，豬頸肉，牛肚，牛百葉，蒜芯，蓮藕，豬頸肉有薄薄嘅油炸外皮，食落更香口，牛肚牛百葉都唔韌，仲好爽彈，蒜芯又冇渣，蓮藕片實中帶爽，唔錯！😍紅糖糍粑份量好多，作為甜品真係好飽😋外層脆卜卜，入面軟糯，熱辣辣好正，沾點紅糖，甜甜的，好食。食辣野，一定要叫冰凍飲品先叫爽，加多寶，百香果檸檬茶，味道清新唔太甜，正！