影片
更多
2022-01-13
66 瀏覽
📍蘇山雞飯 (長沙灣) 成日喺IG見到有人介紹呢個蘇山雞飯，我呢個海南雞飯迷終於黎到試下啦😚！佢地既環境都幾寛敞，坐得幾舒服。餐廳採用左掃QR code既方式落單既，非常方便衛生！佢地既食物選擇都幾多，而且價錢好親民。落左單之後5-10分鐘左右就上齊哂菜，👍超快捷!! 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️豐盛海南雞飯(招牌海南半隻 配雞雜冬瓜湯及油飯一碗) ($128)🐥海南雞有足足半隻，份量十足。呢到既雞係文昌雞黎，雞肉皮薄肉厚，仲係無骨架，食落啖啖肉超正！🥰雞肉既肉質好肥美嫩滑，肥瘦均勻，雞味濃郁，而且一定要連埋雞皮食呀，雞皮既光澤好靚，望落好油亮吸引，口感爽滑。佢地跟配既3款醬汁都好出色，分別係黑醬油、薑蓉同酸辣汁，一定要點黎食呀！🍚油飯係偏乾身既，粒粒分明，充滿雞油香味，唔會太過油膩。💕而雞雜冬瓜湯好好飲，味道好清甜，湯入面好足料，雞雜更加令成個湯嘅味道昇華左，變得更加鮮甜！▪️拿手三寶飯(海南雞＋豬手＋滷蛋) ($88)另外都想試吓佢哋嘅豬手所以就點左呢個拿手三寶飯，入面有齊晒海南雞、豬手同滷蛋。🐷豬手煮得好腍身，皮香肉滑，肥瘦均勻，好入味！佢都係會配埋雞雜冬瓜湯同油飯，好豐富，呢個
成日喺IG見到有人介紹呢個蘇山雞飯，我呢個海南雞飯迷終於黎到試下啦😚！佢地既環境都幾寛敞，坐得幾舒服。餐廳採用左掃QR code既方式落單既，非常方便衛生！佢地既食物選擇都幾多，而且價錢好親民。落左單之後5-10分鐘左右就上齊哂菜，👍超快捷!!
𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:
▪️豐盛海南雞飯(招牌海南半隻 配
雞雜冬瓜湯及油飯一碗) ($128)
🐥海南雞有足足半隻，份量十足。呢到既雞係文昌雞黎，雞肉皮薄肉厚，仲係無骨架，食落啖啖肉超正！🥰雞肉既肉質好肥美嫩滑，肥瘦均勻，雞味濃郁，而且一定要連埋雞皮食呀，雞皮既光澤好靚，望落好油亮吸引，口感爽滑。佢地跟配既3款醬汁都好出色，分別係黑醬油、薑蓉同酸辣汁，一定要點黎食呀！🍚油飯係偏乾身既，粒粒分明，充滿雞油香味，唔會太過油膩。💕而雞雜冬瓜湯好好飲，味道好清甜，湯入面好足料，雞雜更加令成個湯嘅味道昇華左，變得更加鮮甜！
▪️拿手三寶飯(海南雞＋豬手＋滷蛋) ($88)
另外都想試吓佢哋嘅豬手所以就點左呢個拿手三寶飯，入面有齊晒海南雞、豬手同滷蛋。🐷豬手煮得好腍身，皮香肉滑，肥瘦均勻，好入味！佢都係會配埋雞雜冬瓜湯同油飯，好豐富，呢個價錢黎講性價比超高!!
▪️鮮油咖央多士 ($28)
呢個多士會係我超想encore既原因！😍佢係超邪惡之選，金黃香脆既多士入面塗滿左咖央醬同夾住勁厚既牛油🧈，塊牛油甚至仲厚過塊多士！多士既餘溫將塊牛油慢慢溶化，食落好濃牛油味好香甜，同時唔會覺得油膩，咖央醬仲有好香既椰香味，超正!! 😈雖然食呢個係好肥但係都願意為左佢而肥~
▪️迷你星洲叻沙 ($38)
😚好開心叻沙有迷你版，咁就可以同時試哂海南雞飯同佢~ 叫得做迷你叻沙但係都好足料，有豆卜、蝦、魚蛋、魚片等配料。湯底味道好濃郁，有好香嘅椰汁味。🍜入面混合左油麵同米粉，口感豐富，整體食落好滋味！
▪️凍恐龍美祿 (+$18)
恐龍美祿面層有好多美祿粉，超吸引！🦖呢到既美祿味道濃郁，奶味偏重，甜度剛剛好，幾好飲~
𝑨𝑫𝑫𝑹𝑬𝑺𝑺:
📍長沙灣元州街411號義華大廈地下
G/F, Yee Wa Building, 411 Un Chau Street, Cheung Sha Wan
張貼
