SAKEH

營業中

休息中

上星期同朋友嚟咗呢間尖沙咀嘅日本居酒屋到dinner，雖然叫咗好多嘢食又要開始keep fit，但係勝在全部都好好味同埋好滿足！白鱔魚肉軟滑，而且超厚肉，外皮又燒到好香脆，超美味。雞軟肉同荔枝豬肉卷串燒燒嘅時間掌握得好好，一啲都唔油膩，又可以鎖住滿滿嘅肉汁。厚切牛脷芯口感煙韌，而且厚切識落更加實在同滿足。燒油甘魚鮫油脂超多，燒完魚油味出晒嚟好邪惡，而且肉質滑得嚟又有彈性！ 日本明太子口感超細滑，滿滿明太子配上爽脆嘅瓜一齊食，清新又好味。螢光魷魚芝士嘅魷魚滑嫩爽口，加上香濃嘅芝士味道，鹹香嘅味道令到新鮮嘅魷魚味道再提升。