更多
2019-05-24
71 瀏覽
約左fiancé同兩個中同食飯,朋友提議去食韓燒,揀左呢間好地道既餐廳。話佢地道,因為一入去唔止waitress講韓文,大部分食客都講緊韓文,特別多韓國叔叔黎食!我地點左50cm長韓式雞蛋卷、炒年糕湯同呢度signature 既八色珍味拼盤入面既四色五花肉加牛肉。叫完野食就上左口前菜同調味料,有泡菜、醃蘿蔔、沙律、椰菜等等,連蒜頭葉都有!我地一開頭望到隔離韓國叔叔食緊個用鐵板裝住既蛋餅,但係menu搵唔到,以為係韓國食客先知既隱藏menu😂點知原來每枱都送!問waitress係咩黎,佢話係雞蛋pizza,pizza就唔似既,係好厚既蛋餅。蛋味好濃,有啲紅椒粒同青椒粒係入面,無咁單調,不過略嫌蛋煮到老左,唔夠滑。50cm長韓式雞蛋卷相比之下就正好多!面頭有堆木魚、沙律醬同茄汁,入面有泡菜、飛魚籽、椰菜絲同沙律醬,好豐富既口感,食落甜、鹹、酸既味道交織,好味!有爽脆既椰菜絲令到成個蛋卷無咁溜。炒年糕湯係意外地勁好味!我地爭住食😂估唔到佢入面有烏冬!滑挘挘索晒啲辣得黎帶甜既汁食到停唔到!重正過啲年糕!雖然啲汁好辣但我地都不停過筷子🥢!愈食愈過癮😛😛配料重有啲魚糕、烚蛋同兩隻煎韓式餃子🥟!個邊
我地點左50cm長韓式雞蛋卷、炒年糕湯同呢度signature 既八色珍味拼盤入面既四色五花肉加牛肉。
叫完野食就上左口前菜同調味料,有泡菜、醃蘿蔔、沙律、椰菜等等,連蒜頭葉都有!
我地一開頭望到隔離韓國叔叔食緊個用鐵板裝住既蛋餅,但係menu搵唔到,以為係韓國食客先知既隱藏menu😂點知原來每枱都送!
50cm長韓式雞蛋卷相比之下就正好多!
炒年糕湯係意外地勁好味!
最期待既八色珍味拼盤終於到喇!五花腩卷到一朵朵花咁,又唔同色,好靚!
牛方面有調味裹脊、調味烤排骨、牛舌同雪花牛肉。
總括黎講我會推介呢度既炒年糕湯同五花腩❤️
張貼