蘇山雞飯

營業中

休息中

今日約左朋友到太子食晚飯，遠處已經見到一間門外有人流既餐廳，便決定試一試，都要等一陣先可以入座，環境乾淨企理，座位空間闊落，都幾舒服。龍蝦叻沙摻摻（1人份）($110)有一大龍蝦半隻，肉質結實，食到龍蝦既鮮味，湯底叻沙味味道濃郁但不會感到油膩，有蛋、魚蛋、豆卜、魚片，麵底係油麵同米粉，食落有兩種口感，充滿層次感。招牌海南雞飯($85)跟餐有一碗雞雜冬瓜湯，內有雞腎、雞肚粒等，有淡淡的冬瓜味，解暑一流。油飯正正常常，都算有油香味，粒粒分明。主角海南雞口感滑嫩，雞皮油脂味濃郁，值得一讚無咩骨或碎骨，食落啖啖肉。除左有三種醬汁選擇外，亦有落青汁檸，帶到少少雞既鮮味。開心果椰子奶昔($32)口感幼滑，椰子味香氣撲鼻，開心果被攪成碎粒，不經不覺就飲埋。咖吔油條配薄荷朱古力雪糕蛋($38)這個特色小食非常甜蜜，油條夾有一層咖吔醬，外皮香脆，但一旦沾上朱古力醬及雪糕，又變得不一樣，變成軟軟甜甜的。在香港都食到異國風情的美食，感覺好難得。