陳儀興尚潮樓 (太子道西)

營業中

休息中

傳統嘅潮州菜但裝修幾時尚，有唔少傳統嘅潮州手工菜可以食到，每碟都幾高質，適合大班人食飯!! 🔘魚露浸花甲出菜只留下花甲有肉食果一邊，幾細心喎，花甲肉脹卜卜，食落鮮甜，魚露提鮮唔會過鹹，調味啱啱好!! 🔘富貴石榴蟹呢啲潮州手工菜真係買少見少，想食記得預先留定，蟹肉一絲絲鮮味突出，仲有蝦膠、芹菜、馬蹄等餡料，用蛋白煎成一張蛋皮再包起來做成石榴嘅形狀，賣相好靚，手工繁複，非常推介!! 🔘鵝三寶 (鵝肉、鵝腸、鵝肝)食潮州嘢點可以唔食滷水鵝，鵝肉入味幾嫩，最正係鵝肝，好軟熟入口即溶，而且食落冇煎鵝肝咁油，另外仲有豆腐喺碟嘅最下面，鵝腸我自己就普通，朋友食多!! 🔘蝦棗拼粿肉各有四粒大大粒幾足料，炸得酥脆，手打丸係唔同啲嘅，好彈牙，而粿肉嘅餡料主要係豬肉，自己鍾意食蝦棗多啲!! 🔘老藥桔唔好俾佢個”藥”字呃到，飲落唔苦唔會似涼茶，味道似鹹桔水，有潤肺健脾嘅功效!!