醬缸韓國料理 (已搬遷) 新店位置

上星期四放一點，由青衣出番佐敦都已經點九。事先已揀好午餐食乜。 一點九去到醬缸，全滿，好在我一個人，可以搭枱。 大部份午餐都係$48,仲唔洗加一。 要咗辣海鮮豆腐鍋。前菜有三小碟，有泡菜、大豆芽同我嘅至愛海帶！豆腐鍋上枱時仲係bok bok聲，滾熱辣！！！ 湯底濃得黎唔會過咸同太辣，惹味非常，我全鍋飲晒都無口渴，抵讚！ 海鮮方面，有蝦、魷魚同蜆，仲有好滑嘅豆腐同少少洋蔥。仲有一隻半熟蛋添！好好味，凍天食仲可以暖身添！ 必定再來！