心夜來潮 (已易手) 新餐廳

今晚同朋友傾開話想食潮洲野！心血來潮地想吃心夜來潮，餐廳位置對於我呢個香港島人黎講，有點不便，但朋友話好食抵食！所以試試店內裝修屬懷舊feel, 灰色瓦磚牆，高樓底無壓迫感！感覺自然舒服食物方面，就叫了份手打牛丸爽口彈牙！堅係爆汁！咬一啖仔，d肉汁噴左出黎！真係有d唔好意思添。。。湯底亦香濃！叫左份醬鹵鵝翼，鹵水味香濃！紋得非常入味，但係濃而不膩！骨與骨之間既鵝肉亦唔放過，份量亦好足夠仲非常體貼地供應左1對手套比客人方便進食，雖然食完都係要洗手，但已經將手既油淋淋減到最低叫了家常牙籤雞，非常香脆可口，一啖一口，非常方便易食！岩哂小朋友配埋酸辣醬，一流呀最後叫左份潮式炒粉麵，重點係不油膩！炒到非常乾身，夠哂獲氣有大量蔬菜，菇及火腿粉埋一碟，材料普通，但係制成品好味呢