CHEF STAGE de Eddy Chu (已結業)

原來亞士厘道嘅上樓大廈依家開咗好多唔同嘅餐廳，同朋友慶祝生日，佢介紹咗一間食fusion菜嘅餐廳俾我！以前對呢一類菜冇咩好感，但朋友讚不絕口！食過之後，發現果然真係冇介紹錯！首先要左一個沙律開開胃，我哋要咗個乳酪鮮蝦芒果田園沙律，蝦十分之新鮮，肉質不錯，好甜！第一次食熟嘅蝦有甜嘅感覺！響沙律菜中間加左一啲台灣嘅爆珠，心諗會唔會怪怪地？但原來加埋菜同芒果撈埋食落口味道非常之夾！爆珠係荔枝味嘅，令到整個沙律嘅感覺更加新鮮輕盈！好好味！第一道菜已經大開眼界！忌廉鮑魚冬陰海鮮湯，上枱之前又心大心細，心諗忌廉同冬陰公撈埋究竟會係點？原來佢哋係一個非常出色嘅配搭！有冬陰公嘅味道但質地厚厚的！入邊海鮮材料非常之豐富！鮑魚不大但好甜好似溏心咁！蚌亦彈牙又鮮！真係不得了！黑松露年糕係朋友選嘅，平視我唔太喜歡食年糕，覺得無味。但呢一個黑松露年糕十分之香！黑松露味完全滲入年糕之內，又煙韌又好味！艾迪BB鴿，中式乳鴿通常外皮香脆，但肉質經常過老變鞋，呢度嘅乳鴿外皮甜甜地，有小小香草香料味，但肉質非常之嫩滑！牛排鮮茄扁意粉，牛排7成熟但不會韌，肉汁保留肉中，牛味好香而不羶，扁意粉彈牙，鮮茄嘅味道令整體感覺開胃一