Texas Burger

營業中

休息中

朗豪坊有好多唔同種類嘅餐廳，有平有貴，平嘅就食food court, 貴嘅就上去高層嘅餐廳。但呢間位於差不多頂樓嘅餐廳價錢並唔貴，而且座位亦好舒適，在商場嘅天幕下食住漢堡，真係好歎。我地一行人坐向一個開放式嘅卡位，點左一個招牌德州牛肉漢堡，一個墨西哥雞肉菠蘿漢堡，2件墨西哥烤餅，一份墨西哥沙律。墨西哥沙律醬汁唔多，但本身沙律菜好甜，牛油果粒同橄欖粒為沙律帶來另外嘅味道，感覺好fresh, 好開胃。德州燒烤牛肉漢堡嘅牛肉好juicy, 好冧又唔會全熟咁老，配以香脆嘅bacon同洋蔥圈，有多重嘅口味。整個包大到要一啖食晒咁多層真係有d難度，不過食漢堡一定要咁食先夠好味。墨西哥雞肉菠蘿漢堡又係另一種風味。呢個包雖然無牛肉漢堡嘅惹味，但卻有一種清新嘅味道。菠蘿嘅酸酸甜甜同雞肉夾在一齊食好fresh。墨西哥烤餅我地揀左軟殻蟹同烤豬肉，餅皮就揀了脆餅。豬肉絲份量好多，而且醃得好入味，加上牛油果醬同墨西哥沙沙醬一齊食，非常好味。軟殻蟹係原隻，炸得好乾身，配以同樣配料，一樣都好好味。