131
2
0
港鐵旺角站 C3 出口, 港鐵旺角站 E1 出口, 港鐵旺角東站 B 出口 繼續閱讀
所有分店 (2)
電話號碼
34885005
開飯介紹
Texas Burger - Halfer是天后著名美式漢堡店分店,致力追求創新,引進墨西哥菜式,以Fusion形式推出,更有來自美國的全素漢堡扒-未來漢堡,特別為素食者而設,以推廣美國菜及墨西哥菜的另類餐飲體驗。 繼續閱讀
營業時間
今日營業
11:00 - 22:30
星期一至四
11:30 - 22:00
星期五至日
11:00 - 22:30
*星期一至四最後落單時間: 21:30 星期五至日最後落單時間: 22:00
付款方式
Visa Master 現金 支付寶 AlipayHK
座位數目
32
其他資料
網上訂座
Wi-Fi
酒精飲品
切餅費
泊車 詳細介紹
賞訂座積分
外賣服務
加一服務費
當面支付
有關獎賞計劃
食評 (137)
等級4 2019-01-15
37 瀏覽
要喺旺角搵餐廳食飯,好食之餘仲要抵食,真係唔易。Texas Burger最近進駐朗豪坊,就喺live stage隔離,咁岩呢日嚟到,適逢有歌手唱歌,音樂加漢堡,搞笑得黎又幾enjoy😎. 食物選擇多,除左招牌漢堡,仲有墨西哥美食,當然味道就應該唔太墨西哥,如果唔係應該好辣至係. 水牛城棒棒雞一份5件嘅棒棒🐔味道同水牛雞翼一樣,酸酸辣辣;形狀似lollipop所以又叫棒棒雞;鍾意食雞鎚嘅我當然係相當欣賞佢嘅質感,因為佢似雞鎚硬硬地有咬口;一同配上酸忌廉汁,點嚟食更fresh😎.🍔菠蘿雞堡呢兩樣配搭係永恆經典。雞絲質感嫩滑,調味唔會好咸;燒過嘅菠蘿更香甜;漢堡包富牛油香,仲超鬆軟,微微烘烤微暖。薯條勁香脆,新鮮炸起;upgrade左跟餐有野飲,咖啡濃而香,仲好滑🍝是日精選意粉擺碟精美嘅意粉,上枱香噴噴。番茄味好濃;大蝦彈牙,意粉煙韌。值得一讚係意粉多汁,唔dry👍. Lunch時段都坐爆,透射出面陽光,開揚舒服。如果晚上黎,相信別有一番感覺,真正天幕下之漢堡。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-07
174 瀏覽
今日同朋友去開旺角做GYM, 四圍都係人, 又唔想食譚仔南記, 啱啱做完WEIGHT 有人提意去鋸扒食多D蛋白質吸收下~ 我突然醒起係朗豪坊12樓, 有間食美式BURGER 叫TEXAS BURGER 之前有同事推介我去天后個間, 佢話幾好食~ 不過太遠未去過~ 得知旺角開咗, 今日晚上就試下佢啦~ 入到TEXAS BURGER ~ 裝修都幾時尚架~ 打卡一流~ 再睇下餐牌, 又中上價錢~ 唔係太貴喎~ 我地兩個人叫咗兩款漢堡, 一個煙鴨肝牛肉漢堡$148, 一個濃車打芝士牛肉漢堡$78 , 細睇餐牌下面, 如果一個漢堡加66蚊, 可以升級做套餐,(包: 時日精選奶昔+酸青瓜+薯條) , 緊係唔會錯過啦~ 今日精選奶昔係香草岩鹽燕麥忌廉奶昔, 賣相已經一百份, 飲落就爆分啦~ 估佢唔到加咗燕麥同岩鹽, 咸咸地會同雲喱拿味咁趁~ 勁好飲~ 胃口已經開著了~ 兩個漢煲都黎埋~ 好大個丫~ 二話不說就咬啖先~ 第一個感覺係~ 好熱~ 後覺得好多肉汁~ 牛肉真係好厚~ 鴨肝煎得好香~ 同牛肉好夾味~ 薯條係最愛既粗條~ 外脆內軟~ 又係一樣咁熱~ 好正~ 哩個SET其實份量幾大~ 大胃王精選~ 值得推介~ GOOD~ 繼續閱讀
(以上食評乃用戶個人意見 , 並不代表OpenRice之觀點。)
這天專程到朗豪坊,目的就是為了到lego 買模型給侄仔,閒逛了一段時間,終於購得心頭好,正準備離開之際,發現同層有一間有一間專吃burger的餐廳,見餐牌非常吸引,就拉著好友一同開餐。 單單是漢堡都已經有9款選擇,而且還可以多加HK$66轉為升級套裝,配有是日精選奶昔、薯條及酸青瓜。 我們各自點了漢,沙律及飲品,沒有特意加錢升級為套餐。 凱撒沙律 沙律菜非常爽脆,入裏還加了車厘茄及多士粒,配上芝士絲,令味道及層次感大大提升。 煙燻鴨肝牛肉漢堡 個人非常推介這款漢堡,漢堡包大大個,而內裏的鴨肝挺大塊,入口時油脂豐腴,完全沒有鴨羶味,而牛肉嫩滑,配上半融化的芝士,及爽口的洋蔥圈及生菜,令口感更濕潤,非常滋味。 德州燒烤牛肉漢堡 漢堡包同樣是大大個的,牛肉入口帶有濃濃的燒烤香味,外脆內嫩,肉汁豐富,加上包包內裏放了炸薯圈,芝士及生菜,令包包變得更吸引。 伯爵茶及Flat White 伯爵茶是由茶包沖泡,不會出亂子吧,個人蠻喜愛這個牌子的茶包,伯爵茶味非常突出。 朋友點了Flat White,咖啡上有美美的拉花圖案,而且奶味香濃,咖啡味亦夠濃醇。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-04
112 瀏覽
Happy Friday 的中午當然要食番個豐富嘅lunch啦! 今日公司開會路過朗豪坊,走進12樓的Texas Burger慰勞下自己! 見到餐牌上的burger好吸引,但又好想食墨西哥餅喎,所以兩樣都點了一齊share! 首先點了一個煙燻鴨肝牛肉漢堡 $148,升級套餐加 $66 有時日精選奶昔 + 炸薯條 + 酸青瓜。 再叫墨西哥芝士夾餅 $88 有兩件,選了軟餅配燒烤手撕豚肉 + 手撕雞。 還有叫了一個甜品香煎焦糖蘋果夾餅 $58。跟套餐的是日精選奶昔是Ocean Love ~ 材料有 香草雪糕,岩鹽,燕麥忌廉, 甜味適中,奶昔入口creamy, 燕麥有咬口, 還有賣相很美,整體絕對唔錯。煙燻鴨肝牛肉漢堡 ~ 鴨肝好juicy又香口, 牛肉漢堡啖啖肉,肉汁超豐富, 還可以配埋酸青瓜一起食用, 非常美味! 炸薯條亦是我非常喜愛的食物之一,炸得又脆又香。墨西哥芝士夾餅 ( 軟餅配燒烤手撕豚肉 + 手撕雞 ) ~ 可以選擇軟餅和脆餅, 個人口味就比較喜歡軟餅, 燒烤手撕豚肉份量多, 但感覺偏油膩, 手撕雞反而味道非常之好, 微辣的手撕雞肉質嫩滑,配埋牛油果醬是一個最好的配搭!香煎焦糖蘋果夾餅 ~ 如果喜歡肉桂味的朋友一定要試,熱辣辣又軟熟的夾餅入面有肉桂粉和蘋果蓉, 蘋果蓉的份量剛剛好不會太甜,正!吃完這一頓豐富的午餐之後又要努力上班了, 今餐好滿意,試了餐廳的漢堡,墨西哥餅, 甜品也有水準, 絕對推介畀喜歡吃漢堡和墨西哥菜的朋友。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-31
132 瀏覽
今年第一年同屋企人聖誕節行朗豪坊,特意來睇Tsum Tsum 聖誕展覽,行到咁上下,開始肚餓,見有廣告賣全港10大burger,就上咗嚟12樓品嚐Texas Burger. 先來一杯野莓梳打,味道清新,竟然唔太甜👍🏽,下面紅色嘅部份係野莓口味嘅爆珠😎Burger唔算好大,但係真材實料,除咗牛肉之外,有兩個炸洋蔥圈,配搭BBQ醬汁和茄汁,仲有一片芝士,醬汁溶化一起,味道豐富,特別欣賞burger嘅兩片麵包用牛油烤過,口感更加香脆。牛肉厚度大約兩厘米,所以咬落去啖啖肉,而且好juicy,不過牛味比想像中較弱,靠上面一片煙肉補救都可以嘅,成功增加肉質嘅感覺。真心推薦這一款墨西哥脆片,特別係清新嘅醬汁,乳酪洋蔥芝士番茄打成的墨西哥特色醬汁,加上牛油果蓉,味道好fresh,粟米脆片熱辣辣烤焗過,入口卜卜脆,整到菜式口感豐富,完全感受到墨西哥風情。🌮 Tacos聽就聽得多,但今次係第一次品嚐中間發生了一個小插曲,就係魚柳原來未炸熟,同店員反映,佢哋好友善咁立即道歉,好快就更換了另一個taco,新鮮即炸嘅脆魚柳好好食,真係有鮮魚味,唔係急凍多年嘅雪藏魚柳,果然是高質快餐。鬆脆嘅魚柳外皮配搭牛油果和沙律醬,味道清新不油膩。手撕豚肉份量多,肉質軟腍,BBQ醬汁入味。 繼續閱讀
(以上食評乃用戶個人意見 , 並不代表OpenRice之觀點。)