影片
更多
2010-11-23
313 瀏覽
Auntie 喺馬會既月刊睇倒打吡餐廳啱啱黎左個新德國廚師煮法國菜，所以就約埋幾位好友同我依個晚輩試下佢既手勢。小弟第一次黎，爸爸一早通知定我話牛仔褲，波鞋，T-shirt唔入得，所以心中有數係高級餐廳，期待非常。後來更發現餐廳同酒吧一樣，只招待十八歲或以上人士。大家千其唔好以為冇十八歲以下既朋友就代表好靜呀。因為auntie們早到，所以佢地就喺樓下酒吧到開左枝香檳飲住等。酒吧燈光柔和，好配合客人欣賞女歌手唱歌既氣氛。迷你舞台旁邊既梳化椅睇落好似矮左少少，不過應該都幾舒服。最吸引倒我既反而係圍繞住酒吧既雲石枱：燈光射落去營造出半透明既效果令人好涼快。當我同爸爸收工趕到時就成班一齊行上去餐廳。斯文有禮既姐姐們重幫幾位女士攞酒杯添。雖然馬會有，不過我地見佢中間條螺旋梯咁靚，所以就選擇左行樓梯。小弟建議大家都係睇吓條梯好啦，因為每一級都幾高，對著高踭鞋既女士或者飲左兩杯既朋友都有少少危險；講真我自己行完都暈暈地。餐廳既裝修同酒吧一樣好大方，坐位好寬敞。不得不提既係餐廳所選用既餐具：叉同羹個柄部設計係平既，確保平放時唔會移位；另外，每一道餸所選用既碟都唔同，幾有心思。研究餐牌時，我地提到一心
因為auntie們早到，所以佢地就喺樓下酒吧到開左枝香檳飲住等。酒吧燈光柔和，好配合客人欣賞女歌手唱歌既氣氛。迷你舞台旁邊既梳化椅睇落好似矮左少少，不過應該都幾舒服。最吸引倒我既反而係圍繞住酒吧既雲石枱：燈光射落去營造出半透明既效果令人好涼快。當我同爸爸收工趕到時就成班一齊行上去餐廳。斯文有禮既姐姐們重幫幾位女士攞酒杯添。雖然馬會有，不過我地見佢中間條螺旋梯咁靚，所以就選擇左行樓梯。小弟建議大家都係睇吓條梯好啦，因為每一級都幾高，對著高踭鞋既女士或者飲左兩杯既朋友都有少少危險；講真我自己行完都暈暈地。
餐廳既裝修同酒吧一樣好大方，坐位好寬敞。不得不提既係餐廳所選用既餐具：叉同羹個柄部設計係平既，確保平放時唔會移位；另外，每一道餸所選用既碟都唔同，幾有心思。
研究餐牌時，我地提到一心黎試新廚師既廚藝，經理反應好快地指出＂A La Carte Menu＂既食物並非新廚所烹調。可能仍在適應中，新廚只係負責兩款 set menu：＂Tasting Menu＂同＂Classic Menu＂。雖然有少少錯愕，不過我地都每款叫左幾份黎試。
Bread Basket：French bread 新鮮熱辣，夠鬆脆，正！其他麵包唔夠熱，大家冇謂試。
Tasting Menu：$700/person；每日不同，下午先會出menu；據說當晚食物既編排係由淺味既菜式開始，味道越食越濃。
Balik Salmon, Citrus Blinis, Traditional Garnish：成朵花咁好靚，不過好睇唔好食。第一啖咬落去就涷親我d好敏感既牙，所以魚既質感冇辦法試真，唔知會唔會係未解涷夠呢。底層既麵包索得太多汁，超咸，完全唔覺得係由淺味食起囉。
Lettuce Juice（免費贈送）：酸酸甜甜既涷湯；唔會太稀，又唔會太杰；細細杯，幾得意，好醒胃。
Fennel Velouté, Oyster, Sour Cream：一個小弟從未試過既配搭；暖暖既湯底酸酸地還可以，不過隻蠔就非常腥；一款我唔會推介既湯。
Roasted Boston Lobster, Sauce Neptune, Braised Leeks：主菜選擇一；本來應該好正，因為龍蝦鮮甜，肉質好軟唔嚡，可惜上枱既時後已經涷哂，所以覺得有少少＂口徏＂料。
Slow Cooked Bresse Chicken, Sauce Jacqueline, Spring Vegetables and Herb Gnocchi：主菜選擇二；唔係好睇得；又唔夠熱；雞肉軟熟但係有少少嚡；味道一般；只可以話係不過不失。
Pre-Dessert：Strawberry Sorbet + Cheese + Jello：可能因為啫喱既關係，芝士味唔係好重，只係食倒士多啤利既甜味，幾清涼。
Earl Grey Crème Brûlée, Cinnamon Pain Perdu, Condensed Milk Foam：餐牌上見倒最期待既一款甜品，點知出哂事，太涷太甜太溜太槳口，完全唔掂！
Freshly Brewed Nespresso Coffee, Premium "T2" Teas, Mignardises：正常。
整個Tasting Menu味道唔係咁出眾，有幾味重唔係好掂添，唯一最好嗰樣又唔夠熱，所以對個餐都幾失望。
Classic Menu：$888/ two persons；menu 每兩個禮拜轉一次，個人比較欣賞個Classic Menu多d，只係唔明點解一定要兩個人先可以叫。
Caesar Salad, Derby's Own Style with French Anchovies：沙津用料新鮮爽甜，dressing唔會落得太多，只係唔夠croutons，算滿意。
Slow Cooked Foie Gras, Beetroot Reduction, Cherry Purée, Toasted Almonds, Tea Jelly：全晚最出色既一道菜式；選碟同食物既舖切都好靚；半熟既鵝肝煮既時間掌握得非常好，因為夠熱之餘，薄薄既皮，脆得黎冇燶，內層亦好軟滑，食完一d都唔覺溜，大家都讚不絕口。必吃推介！！！
Wild Mushroom Velouté, Truffle Cream：好夠菇味，而且唔溜，可以一試。
Coconut Sorbet（免費贈送）：只係食倒淡淡既椰子味，唔甜唔酸，格格不入咁，所以有少少奇怪。
Pan Fried Boston Lobster, Sherry Sauce, Baby Onions, Artichoke Bottom, Braised Du Buy Lentils：主菜選擇一；同tasting menu個龍蝦一樣新鮮唔嚡，個汁亦唔會太濃地搶走龍蝦本身既鮮甜味；都係同一個問題 ~ 唔夠熱。
Grilled Sea Bass, Lobster and Citrus Fruit Vinaigrette, Green Asparagus：主菜選擇二；全晚最差勁既一道；因為個魚雖然好重炭燒味，但係蓋掩唔倒魚本身既押味，真係入唔倒口。
Grilled US Beef Sirloin, Béarnaise Sauce, French Fries, Baby Vegetables：主菜選擇三；煮得太熟，所以好乾好嚡好韌；講真冇乜牛肉味，好＂blah＂。
Soufflé of Your Choice：選擇左諗住最安全既Grand Marnier ，味道普通，最失敗係外熱內冷且唔夠鬆，不得不扣分。
Freshly Brewed Nespresso Coffee, Premium "T2" Teas, Mignardises
頭盤問題不大，最重要係兩個餐同樣地主菜都出哂問題：用料唔夠新鮮，烹調技巧又唔係話咁得，加埋中上既presentation，依個價錢真係唔係好合理囉。可憐既係連結尾既甜品都挽回唔倒分數，真係差少少就會比個喊臉架啦。希望廚師適應左一排食物質素會好d啦。
後記：
1) 雖然每人都有份餐牌，但係只有坐請客位個份先印有價錢。
2) 因為會員要比會費，所以普通會所既酒水既價錢會比出面其他餐廳既便宜。不過非牟利既馬會就剛剛相反，佢既酒最少貴人兩三陪，好似打劫d會員咁。真係有需要反省。
張貼
