我愛慢煮 (普慶坊) (已結業)

近年香港好流行慢煮文化，難得星期日可以他他條條，就嚟到位於西營盤嘅我愛慢煮。餐廳設計簡潔，餐牌亦好簡單。荔枝接骨木特飲🍹好清新，配埋荔枝同梳打好夾又解渴。US頂級安格斯西冷牛扒(S)🥩未食已經聞到好香牛味，比想像中大件，有厚度。因為慢煮嘅關係，牛肉特別嫩滑，輕輕一切啲肉汁就流晒出黎，調味簡單，面頭撒少許香草同鹽，食落好濃烈牛肉味，好正。蕃薯條好食到要爭住食😮😮😮非一般薯條！外皮香脆，咬落入面係軟綿綿嘅蕃薯肉，好甜，配埋黑松露蛋黃醬食仲正，絕對係物超所值⭐️法式豬鞍架🐽羊鞍就食得多啦，豬鞍都係第一次食。初頭望落以為咁厚一定好鞋，點知切開好鮮嫩，平時食嘅豬肉都做唔到咁嫩嘅口感，終於明白慢煮嘅價值。咸焦糖醬朱古力brownie🍫Brownie表面有輕輕烘到金黃，外脆內軟，內裡好多杏仁片，朱古力味都好濃，暫時係我食過最好食嘅brownie👍🏻草莓醬窩夫配意大利雪糕🍨有三層高，窩夫屬於比較軟身同濕潤，蛋味香濃，配埋雪糕食一冷一熱好滿意。成餐飯嘅氣氛同環境都令人好舒服，坐左起碼兩個鐘頭傾下計。初嘗慢煮嘅菜式，發現呢個煮法可以保留食物嘅原有鮮味，食物都相當有水準。臨走前店員仲同我地講最近係附近嘅孖沙街