甜藝家 (已結業)

前幾日去買定啲禮盒聖誕節送俾朋友，順便買咗兩盒甜品自己食 甜藝家好多適合做聖誕禮物嘅選擇，而且賣相一流！鋪頭入面啲餅可以試食，揀啱心水先買！我就鍾意食呢度嘅朱古力條。朱古力爆炸雪茄口感好特別，入面嘅爆炸糖會帶比你驚喜而且朱古力條唔會太甜，可可味道濃郁一次一條真係唔夠喉！除咗朱古力好食，蝴蝶酥都係呢度嘅王牌產品！呢個珍寶蝴蝶酥好吸引，不過我冇買到，買咗一盒嗰啲。一盒有廿幾塊，顏色金黃，一開就聞到好香嘅牛油味！食落非常鬆化，屋企嘅小朋友表示好鍾意食！如果嚟緊聖誕要開party或者交換禮物，甜藝家嘅食物都係一個唔錯嘅選擇。