うまい鮨勘

營業中

休息中

太耐冇去過日本啦，今日經過海港城鮨勘，就試吓佢哋新推出嘅十三件壽司套餐。十三件壽司嘅食材非常新鮮，我最鍾意梗係海膽啦。除左壽司之外，仲有前菜、手卷、魚湯或者麵豉湯，同埋甜品，有紅豆或者綠茶雪糕，真係好滿足呀。另外，再叫左啲串燒，有我至愛嘅雞皮。雞皮最緊要係咩，就係脆得嚟冇油益味。呢串雞皮令我諗起喺日本食串燒。好想去日本呀！除咗呢個お勧め握り十三貫set，仲有一個お勧め串燒きコース，不過實在太飽，食唔到兩個。