強記美食 (已搬遷) 新店位置

強記美食。細細個已經食。強記，由街邊車仔檔食到入舖。供應食品十年如一日，裝修從來無翻新，變的只有價錢。咁啱經過，叫咗煎腸粉+糯米飯+潤腸做宵夜。煎腸粉令人最失望，油浸咁，完全煎得唔脆底，可能太多人叫，整唔切。話係蝦米腸，d蝦米完全失蹤。好失望好失望。糯米飯就普通，細細碗賣咁既價錢就唔抵。記憶中喳喳係好正，今次太飽冇食。好多時，都係食回憶。