影片
更多
2000-11-26
140 瀏覽
個月媽咪生日，專登揀呢間被美國雜誌《HOTELS》選為世界五大酒店餐廳o既餐聽慶祝！o的雜誌講到呢間餐聽點正、點正，我就覺得好名不副實喇..論裝修唔算好華麗，同一般酒店西餐聽差唔多，論氣氛亦都無想像中咁formal…Services更差，o的waiter一點都唔helpful，求其敷衍下就算(仲要冇乜客人)，等呢間餐聽仲標明話有咩問題即管問，o的waiter會好樂意為我地解釋…唉.. 不過環境都尚算唔錯，話哂有咁上下高（56樓）、可以望到香港咁靚o既夜景。食物方面亦都強差人意。講真貴唔緊要呀！你都要比番咁上下水準人丫。唔係淨係得一、兩款菜式出名就得o架..要全面o的o架嘛！果日頭盤我地分別點o左個黑菌湯、蟹肉沙律、同埋煎鵝肝配芝麻及罌粟子。然後再開o左支紅酒同o左支Perrie。餐前食o左o的麵包仔…唔好味..又凍又硬..個“菌湯”味道好難令人接受(仲要二百幾三百蚊)，有o的似藥材味。“蟹肉沙律”係一舊仔好似凍糕o既物體，冇乜味。而我個煎鵝肝就幾特別，鵝肝一客有兩件面層鋪滿芝麻和罌粟子煎香，外脆內軟，鵝肝一口即溶，配鮮提子紅酒汁，酸酸地中和o左本身o既油膩感。主菜方面我同媽咪要o左兩客
果日頭盤我地分別點o左個黑菌湯、蟹肉沙律、同埋煎鵝肝配芝麻及罌粟子。然後再開o左支紅酒同o左支Perrie。
餐前食o左o的麵包仔…唔好味..又凍又硬..個“菌湯”味道好難令人接受(仲要二百幾三百蚊)，有o的似藥材味。“蟹肉沙律”係一舊仔好似凍糕o既物體，冇乜味。而我個煎鵝肝就幾特別，鵝肝一客有兩件面層鋪滿芝麻和罌粟子煎香，外脆內軟，鵝肝一口即溶，配鮮提子紅酒汁，酸酸地中和o左本身o既油膩感。
主菜方面我同媽咪要o左兩客海鮮釀墨魚、細佬要o左客羊扒而爸爸就要o左客茴香番茄焗波士頓龍蝦$520。我地果客海鮮好清，齋烚就上碟，o的海鮮又唔係特別新鮮喎,好失望！羊扒都過得去喎,不過伴碟果d汁就勁難食..好濃、好咸！龍蝦就唔差喎..
講到最正都係Book檯時訂o既Chocolate Truffle Cake，一o的都唔漏，朱古力味香濃，中間仲夾有o的好crispy o既脆餅！真係好正！
我覺得呢間唔算係一間好正宗o既法國餐聽，人地一餐閒閒o地食三四個鐘,我果日兩個鐘鬆d就食完。同Hugo或Amigo 相比，簡直相差十萬八千哩！以埋單四千幾五千蚊o既價錢，我真係感到非常之失望…
張貼