影片
更多
2020-06-23
811 瀏覽
已有半年時間無見友人C，趁疫情轉趨緩和，拿拿聲約佢食飯見面，佢叫我帶佢食好嘢，不期然令我諗起呢間原因係呢間西餐廳嘅總廚兼老闆入行三十幾年，擅長將多國口味融會貫通，變成不一樣嘅菜式呢度除左單點，仲有套餐供應，例如今次食嘅五道菜套餐，由餐湯食到去甜品，慢慢享受19樓嘅高空美景打頭陣係乳酪鮮蝦芒果沙律，爽口沙律菜加埋乳酪醬，配以鮮蝦及芒果粒，酸甜中帶點蝦肉嘅彈牙感，作為開胃菜完全合格另加$288可以有海鮮盤，包括生蠔，鮑魚，青口，日本帶子(浸於蜜糖芥末汁)及鮮蝦，另有兩款醬汁，擺盤精美，望住海產下嘅冰粒，未食已感到涼快感生蠔係來自南非，體積中等，唔係紙咁薄，味道甜美，可點配香草醬汁，帶點微辣，有別於一般點配嘅"辣椒仔"，唔會過於嗆口!青口相當大隻，用另一款嘅冬蔭醬汁配食，估唔到又夾喎，甜甜中又帶少少辣咁，提升左淡口嘅青口味!另外嘅磯煮鮑魚，煮得相當入味，口感彈牙，一隻好似唔係幾夠喉咁囉.............哈..哈..!食完呢個海鮮凍盤，清爽又好味，好岩炎夏日子食! 完成凍盤，係時候熱食出場......呢款冬蔭公忌廉湯應該係是日餐湯，相當特別，入口係香濃冬蔭公味道，有草菇及蝦肉，仲飲到香
原因係呢間西餐廳嘅總廚兼老闆入行三十幾年，擅長將多國口味融會貫通，變成不一樣嘅菜式
呢度除左單點，仲有套餐供應，例如今次食嘅五道菜套餐，由餐湯食到去甜品，慢慢享受19樓嘅高空美景
打頭陣係乳酪鮮蝦芒果沙律，爽口沙律菜加埋乳酪醬，配以鮮蝦及芒果粒，酸甜中帶點蝦肉嘅彈牙感，作為開胃菜完全合格
另加$288可以有海鮮盤，包括生蠔，鮑魚，青口，日本帶子(浸於蜜糖芥末汁)及鮮蝦，另有兩款醬汁，擺盤精美，望住海產下嘅冰粒，未食已感到涼快感
生蠔係來自南非，體積中等，唔係紙咁薄，味道甜美，可點配香草醬汁，帶點微辣，有別於一般點配嘅"辣椒仔"，唔會過於嗆口!
青口相當大隻，用另一款嘅冬蔭醬汁配食，估唔到又夾喎，甜甜中又帶少少辣咁，提升左淡口嘅青口味!
另外嘅磯煮鮑魚，煮得相當入味，口感彈牙，一隻好似唔係幾夠喉咁囉.............哈..哈..!
食完呢個海鮮凍盤，清爽又好味，好岩炎夏日子食! 完成凍盤，係時候熱食出場......
呢款冬蔭公忌廉湯應該係是日餐湯，相當特別，入口係香濃冬蔭公味道，有草菇及蝦肉，仲飲到香茅碎粒，加入忌廉除左香滑左仲增加"杰"度，飲完個身熱晒!
呢客黑松露磨菇湯，歡喜飲菌類湯嘅友人表示相當滿意，原因係黑松露香味幾出，入口又飲到啖啖磨菇碎粒，熱度相當夠，加埋忌廉增加香滑度!
再送上清酒蟹肉日本年糕，醬汁相當creamy，加入煙韌年糕，絶對要被醬汁完全包圍住先好放入口，過口癮之選!
主菜出場啦...............就係呢客特選雜扒 ($668)，成員包括牛肉眼，黑毛豬，黃油鷄扒，羊鞍肉及燒牛脷，真係豬牛羊鷄界都有代表，陣容相當鼎盛，另有紫薯蓉及煮得腍甜嘅白蘿蔔作配菜!
五款整齊排列，肉面燒至微焦黃色，可配燒汁點食
先試羊鞍肉，入口相當嫩滑，羊味岩岩好，正喎!
提起燒牛脷成日與日式燒果隻係切片燒，但呢度係以"條"計，外觀比較似叉燒，入口帶咸香，即係燒咸牛脷!
標明黃油鷄扒，切開時未食已聞到好香鷄肉味，鷄皮煎香左配埋鬆軟鷄扒肉，真係食都鷄味，有別於平時食到嘅冰鷄肉!
黑毛豬入口帶點脂肪嘅油香同滑度，令到肉質一D都唔嚡口，亦無豬燥味道; 唯牛肉眼燒得略為過火，肉質有點韌
食完咸食，有埋個甜品就相當完滿啦，呢客咁精緻嘅就係是日甜品，主角係迷你瑞士卷及芒果芝士蛋糕，擺盤靚仔，顯心思!
今次餐單，食得出廚師嘅心思及諗頭，將平常食到嘅西餐食物變得有趣，為食客帶來新鮮感，咁樣回頭率又再提高!
張貼
