麺屋こころ (軒尼詩道)

營業中

休息中

收工去開灣仔，本身兩口子想快手食個麵，又唔想食得太hea, 特登搵左過江龍，東京人氣撈麵試下佢小食叫左兩款餃子，雞皮餃子同埋雞軟骨餃子。兩款餃子都好好味。首先講左雞皮餃子先，佢炸到個雞皮好脆，咬落去仲有啲雞油爆出黎，勁juicy, 點少少醋一齊食就冇咁膩；雞軟骨餃子都好好，係軟骨多過肉，食落好爽脆，咬落去又係爆汁，正麵我地就分別叫左正宗全料東京撈麵同埋24月熟成芝士撈麵我就食正宗全料東京撈麵，呢個麵超好食，麵質適中，唔會太腍，撈麵又唔會乾到痴埋一齊，店員首先就介紹可以撈埋先，好足料，有筍，有肉碎，有豚角，糖心蛋， 蔥花，紫菜仲有一啲佢獨有嘅醬料同調味料，撈埋一齊又唔太咸，味道好豐富。食左三份一，佢就提話可以試下加佢既黑胡椒，加左其實係再惹味左既，再食三份一之後，店員再叫我跟佢既食法，加佢既自製香醋再撈，可減低油膩感！不過講真，食撈麵，通常去到最後嗰醬太鹹都唔會食，呢度個食法都好特別，去到最後得返啲醬嘅時候可以叫佢比一碗飯我哋撈埋個醬食晒佢。