蘇媽.蘇媽馬來西亞茶餐室

營業中

休息中

如果冇記錯，呢間食店早期係喺深水埗桂林街黃金附近，街邊小店仲有條小樓梯上去一個有幾張枱嘅閣樓比人堂食。之後唔見咗以為關門大吉，原來係搬咗去基隆街大間D嘅鋪。之後仲越做越旺開咗荃灣同旺角分店！！今次幫襯咗旺角店。食物依然保持質素，係相當正宗嘅馬來西亞地道茶室食物。同我喺Penang食到嘅味道十分相似。其實好多人都唔識分星加坡菜同馬拉菜，但真係有幾大分別㗎！一般宜言馬拉菜都比較濃味同有口感，所以對於喜歡重口味D嘅朋友~比如我自己，都係鍾情馬拉菜多於星加坡菜。宜家武肺漫延，冇得去真嘅馬拉。去住呢間食番個福建蝦面、咖哩面同尤魚通菜頂住先都唔錯㗎！