Oyster Express (已結業)

飛的經過山林道, 諗住落車搵間野食晚飯, 行過見到Oyster Express門口既相同雜誌介紹, 見價錢都唔算平, 最後諗左一陣都係入去試下。地方唔大, 講明Oyster 當然入黎食蠔喇, 見到餐牌上有好多款既蠔以及簡單介紹, 要左半打每樣3款既蠔, 叫左兩杯白酒, 唯一係白酒一杯既款得兩款, 其他款都要一支起, 我當然飲唔到喇.南非蠔, 肉質鮮甜, 值得一試好正既海膽, 新鮮唔腥, 仲比想像大舊, 唔係一堆堆。原先店內設有叫滿一打生蠔, 海膽享有半價優惠, 但兩個人邊食到咁多。到最後有凍蟹, 好多羔, 好甜, 同埋配佢話秘製既醬汁真係一流。成晚都係食生既野, 當然喇, Oyster Express我只會入去食海鮮, 食熟食or串燒去其他地方都食到, 我亦唔會期望好好食, 因為人地出名係蟹同蠔。價錢唔太平, 但比起"蠔吧"又平佢一半既, 但質素都拍得住, 係唔錯既選擇。