心夜來潮 (已易手) 新餐廳

呢晚唔洗開工響返荃灣食飯, 三陂坊有好多平靚正既食肆, 睇睇下見到呢間新開既潮州野, 內里都幾古式古香, 花過心思裝修, 一於試下先. 餐牌都有精緻, 主打蟹粥, 仲有好多家鄉菜式.醬鹵鴨$68, 鴨肉嫩滑, 腍身又入味, 鴨味濃郁. 鹵汁唔會太咸, 送飯一流.豬油渣炒菜心$46,  菜心新鮮爽口, 個精髓係豬油渣, 食落香口唔油膩.家常牙籤雞$26, 呢個賣相幾特別, 一舊舊用牙籤篤住, 外面有一粒粒似米通既野包住黎炸, 外面好香脆, 而且唔油膩, 入面雞肉夠嫩啖啖肉, 而且有酸甜醬, 點埋黎食酸甜易入口.