漫花燈火 OMG (已結業)

最近少咗約朋友又長期home office都少咗外出食飯，難得星期日出街一於要搵個好地方坐下食餐好！上網見到呢間位於大角咀嘅「漫花燈火OMG」一致好評一於去試試。餐廳位於西九絲麗酒店一樓，周圍佈置得好似萬花筒一樣，配合返「漫花燈火」主題。一出電梯已經有一大幅由幾何彩色鏡組成嘅牆可以影下相打下卡。餐廳入面各種裝飾都充滿特色。食物方面都有好多選擇，今晚我地分別叫咗一客意粉、主菜同甜品share。先嚟嘅係香煎日本帶子配黑松露忌廉意大利粉，份量啱啱好！大大隻刺身級嘅帶子配上香濃嘅黑松露忌廉，意粉都唔會太硬太稔次後到燒原隻美國春雞配松露蜜糖，雞唔會太大隻，兩個人share啱啱好。外皮燒到脆但肉質仲好juicy! 點埋松露蜜糖絕對係畫龍點睛！最好就係萬眾期待嘅甜品「開啟潘朵拉盒子」，相機食先！隨甜品附上一個小鎚，要先敲碎半圓形嘅糖膠外殼先食到糖膠下紅桑子蛋白撻，上面仲有士多啤梨同金箔，真係睇得又食得