影片
更多
2020-06-01
370 瀏覽
2020年5月30日 星期六“藍藍天空高掛我的夢 深海 潛入最深追逐確與眾不同 沿途快樂自由陪伴我 美夢成真因你讓我到處去碰”雖然呢排個天成日落大雨，而咁岩香港發生嘅事情都令人好悲傷，不過只要我哋記住心中嘅太陽，相信晴天一定會到。難得既週末同左女朋友周圍行，夜晚就去左灣仔食拉麵舖頭位於內街，不過都唔算太難搵入到去已經見到好多海報同餐牌貼左上牆，感覺好似日本既拉麵店，幾有親切感舖頭除咗有本身既餐牌，仲有拉麵紙，可以自行配搭拉麵配料既多少，甚至連麵條都可以揀粗幼添，於是我同女朋友就分別要粗麵同幼麵，咁就可以兩樣都食晒首先到係女朋友點既蝦武士，即係海老蝦味噌拉麵，一黎就見到成碗都係蝦米，仲有超濃既蝦香味添，而且女朋友話幼麵幾易入口同埋彈牙至於我既魚介醬油沾麵都緊接送到，個湯不停見到煙升起，隱隱約約仲聞到魚味。我要左凍嘅粗麵，當撈落湯既時候，麵條都幾掛湯，所以食落去嘅時候每條麵條都沾滿左湯汁，再加上麵條本身係凍嘅，當倒落熱湯上面，一冷一熱，令到麵條更有咬口添另外我哋仲叫咗兩個小食，分別係日式餃子，冇諗到嚟嘅時候會好似大阪燒咁，一個餅咁上，上面係木魚、肉鬆同沙律醬，原來餃子收埋喺下面，食落
“藍藍天空高掛我的夢
深海 潛入最深追逐確與眾不同
沿途快樂自由陪伴我
美夢成真因你讓我到處去碰”
雖然呢排個天成日落大雨，而咁岩香港發生嘅事情都令人好悲傷，不過只要我哋記住心中嘅太陽，相信晴天一定會到。難得既週末同左女朋友周圍行，夜晚就去左灣仔食拉麵
舖頭位於內街，不過都唔算太難搵
入到去已經見到好多海報同餐牌貼左上牆，感覺好似日本既拉麵店，幾有親切感
舖頭除咗有本身既餐牌，仲有拉麵紙，可以自行配搭拉麵配料既多少，甚至連麵條都可以揀粗幼添，於是我同女朋友就分別要粗麵同幼麵，咁就可以兩樣都食晒
首先到係女朋友點既蝦武士，即係海老蝦味噌拉麵，一黎就見到成碗都係蝦米，仲有超濃既蝦香味添，而且女朋友話幼麵幾易入口同埋彈牙
至於我既魚介醬油沾麵都緊接送到，個湯不停見到煙升起，隱隱約約仲聞到魚味。我要左凍嘅粗麵，當撈落湯既時候，麵條都幾掛湯，所以食落去嘅時候每條麵條都沾滿左湯汁，再加上麵條本身係凍嘅，當倒落熱湯上面，一冷一熱，令到麵條更有咬口添
另外我哋仲叫咗兩個小食，分別係日式餃子，冇諗到嚟嘅時候會好似大阪燒咁，一個餅咁上，上面係木魚、肉鬆同沙律醬，原來餃子收埋喺下面，食落去嘅感覺都幾特別
最後有紫薯餅，炸得好香脆，不過又唔算太油膩，咬落去每一啖都食到紫薯嘅香味
張貼
