和牛燒肉‧純 (已搬遷) 新店位置

之前一路諗緊蝦子餅生日去邊度食....見到呢間野嘅食評唔錯，但係又怕名過於實，於是決定做一個星期試吓食晏晝飯，而且只係叫咗啲普通百零蚊嘅lunch set,我哋兩個食完都覺得唔錯，決定係佢正日生日嘅時候再嚟食多次。建議大家早啲定位，如果唔係要坐吧枱。今次我哋叫咗個二人套餐，再加點左厚切牛舌同多一種牛肉 （唔記得咩名），咁樣兩個人就啱啱好。建議大家要試吓呢度嘅甜品雪葩、我覺得整得唔錯。成餐飯嘅食物質素唔錯，而且服務令人滿意。唯一美中不足嘅係我哋訂枱一點半，燒下燒下已經2:45pm, 要喺15分鐘內完成雪葩有少少難度，因為雪到好硬，同真係好凍啊！但見到職員差唔多落場，又唔好意思阻住下次定位要定早啲！