影片
更多
2021-09-20
36 瀏覽
「唉……今晚又要食罐頭……」我心諗。正話返到屋企先到枱面得罐午餐肉，就心知不妙。「阿媽，今晚又冇煮飯？」我一邊行去阿媽間房，一邊問。「你返黎啦？係呀，今日下晝去左同班師奶打麻雀，邊有時間煮飯呀！」阿媽理直氣壯咁講。由細到大，屋企人好少一齊食飯，因為父母以前返夜班，我放學返到屋企佢地已經出門。到我長大出黎做野，我返到屋企時，退左休既父母已經準備訓覺。我一直好羨慕其他家庭，最幸福既事莫過於一家人齊齊整整咁食飯。而我，就自己一個食罐頭當一餐。「鈴鈴鈴…….」咁夜邊個打比我？「喂？」「喂！食左飯未呀？」對面傳黎一把熟悉既聲音。原來係識左十年既老友阿肥。「做咩咁好搵我食飯呀？你岩岩放工？」我問。「係呀！今日OT嘛。我知你樓下有間好正既沾麵喎！我過嚟搵你？」「幸屋？我係附近住咁耐都未試過呀！一齊試下？」與其食罐頭，不如同阿肥落去食日本野！於是我落去攞位，等阿肥落灣仔。我地叫左碗黑蒜濃厚山藥豚骨拉麵、一個特濃味噌廣島蠔沾麵同埋幾個小食。「個沾麵汁好濃好香呀！試隻蠔先……都ok喎！唔腥呀。」「你個沾麵份量好多咁喎！入面仲有溏心蛋、木耳、椰菜同紫菜！」阿肥望住我碗麵流晒口水。「你果碗都好大碗喎！聞到陣黑
「阿媽，今晚又冇煮飯？」我一邊行去阿媽間房，一邊問。
「你返黎啦？係呀，今日下晝去左同班師奶打麻雀，邊有時間煮飯呀！」阿媽理直氣壯咁講。
由細到大，屋企人好少一齊食飯，因為父母以前返夜班，我放學返到屋企佢地已經出門。到我長大出黎做野，我返到屋企時，退左休既父母已經準備訓覺。
我一直好羨慕其他家庭，最幸福既事莫過於一家人齊齊整整咁食飯。而我，就自己一個食罐頭當一餐。
「鈴鈴鈴…….」咁夜邊個打比我？
「喂？」
「喂！食左飯未呀？」對面傳黎一把熟悉既聲音。原來係識左十年既老友阿肥。
「做咩咁好搵我食飯呀？你岩岩放工？」我問。
「係呀！今日OT嘛。我知你樓下有間好正既沾麵喎！我過嚟搵你？」
「幸屋？我係附近住咁耐都未試過呀！一齊試下？」與其食罐頭，不如同阿肥落去食日本野！
於是我落去攞位，等阿肥落灣仔。
我地叫左碗黑蒜濃厚山藥豚骨拉麵、一個特濃味噌廣島蠔沾麵同埋幾個小食。
「個沾麵汁好濃好香呀！試隻蠔先……都ok喎！唔腥呀。」
「你個沾麵份量好多咁喎！入面仲有溏心蛋、木耳、椰菜同紫菜！」阿肥望住我碗麵流晒口水。
「你果碗都好大碗喎！聞到陣黑蒜味好濃。仲有大大舊豚肉！」
阿肥咬左啖豚肉。「好淋呀！係我食過拉麵店入面最好食既豚肉！一啲都冇誇張！」
阿肥食到津津有味既時候，芝麻雞翼同蟹籽沙律都到左。
平時最鍾意食雞翼既我，即刻夾左隻雞翼黎食。「外面炸好脆呀。裏面仲好熱架，睇黎佢係即炸。啲肉好嫩好入味！比佢滿分！」
比我搶左碟雞翼，阿肥唯有食住沙律先。「沙律好fresh好開胃！個醬好好味！」
就係咁，原本要食罐頭當一餐既我，最後好滿足地食完碗沾麵。做人好簡單，搵到個肯陪我食飯既老友，唔使餐餐食罐頭已經好滿足。
張貼
