更多
2016-12-22
1214 瀏覽
有時兩個人打邊爐最麻煩的地方係唔叫得多,但近排主打粥底海鮮的火鍋店就幫我地解決左呢個問題,佢地劃一以人數收費,可以試到唔同種類的海鮮同配料,其中一間我比較鐘意的鍋心,見到近日長沙灣開左分店,即刻要黎食番餐。鍋心主打用時令海鮮,加埋最後的海鮮精華粥底而盛名,最重要係每位唔需要$200就落到樓。一開始就有沙律食住先再叫配料,包括7款海鮮同埋5款配料,最後仲有海鮮精華粥食。首先主菜海鮮方面,今日有蟹、蝦、沙白、白蜆、鮑魚、珍寶蚌同埋珍寶魚。蝦蟹肉夠甜,沙白同白蜆無腥味,夠晒鮮。鮑魚同珍寶蚌大大件,最後珍寶魚夠滑,基本上我唔需要點醬料都夠味。除左蜆有時有少少沙外,其他都無咩挑剔。之後就加定芋頭、南瓜同粟米等煮粥,再順便食配料,雞骨丸同豚肉不錯,或者係粥底,雞件都夠滑。之前係食過油炸鬼,但估唔到響鈴吸左湯底都好入味,效果仲好過油炸鬼。最後,侍應將芋頭南瓜粒變蓉,融入個粥底,加埋粥膽同埋豬油渣同菜脯等配料,我地兩個人分別食左四碗粥,充滿暖烘烘的感覺。最後不得不讚一點係老闆同侍應的服務態度都好好,首先一開始教晒你放邊樣先,定時就走埋黎同你加埋,提埋你幾多分鐘,仲有最後同你同埋煮埋個粥。而有另一枱客之
一開始就有沙律食住先再叫配料,包括7款海鮮同埋5款配料,最後仲有海鮮精華粥食。首先主菜海鮮方面,今日有蟹、蝦、沙白、白蜆、鮑魚、珍寶蚌同埋珍寶魚。蝦蟹肉夠甜,沙白同白蜆無腥味,夠晒鮮。鮑魚同珍寶蚌大大件,最後珍寶魚夠滑,基本上我唔需要點醬料都夠味。除左蜆有時有少少沙外,其他都無咩挑剔。
之後就加定芋頭、南瓜同粟米等煮粥,再順便食配料,雞骨丸同豚肉不錯,或者係粥底,雞件都夠滑。之前係食過油炸鬼,但估唔到響鈴吸左湯底都好入味,效果仲好過油炸鬼。最後,侍應將芋頭南瓜粒變蓉,融入個粥底,加埋粥膽同埋豬油渣同菜脯等配料,我地兩個人分別食左四碗粥,充滿暖烘烘的感覺。
最後不得不讚一點係老闆同侍應的服務態度都好好,首先一開始教晒你放邊樣先,定時就走埋黎同你加埋,提埋你幾多分鐘,仲有最後同你同埋煮埋個粥。而有另一枱客之前無食過,所以一開始就埋加配料,老闆都好好人話你食晒唔夠先叫,通常都夠食。而有另一枱就食唔晒,老闆就攪笑話無問題,你俾$1蚊雞拎個膠袋就可以拎埋d料走,名符其實又食又拎,大家食之前記住要訂位,因為我食六點呢轉都差唔多爆滿。
54 瀏覽
0 讚好
0 留言
41 瀏覽
0 讚好
0 留言
38 瀏覽
0 讚好
0 留言
題外話/補充資料:
記住
(以上食評乃用戶個人意見 , 並不代表OpenRice之觀點。)
張貼