牛極 (大河道) (已結業)

已經多次光顧牛極，食過幾間唔同餐廳嘅石版燒牛扒，質素參差，有啲直情係一啲好差嘅牛，始終都係牛極嘅質素最高，牛最靚，so far無一次係唔好食，配套比較好又有任食菜、飯、水，服務周到。厚切牛舌午餐 $65最物超所值嘅套餐，價錢非常平，牛舌份量多，超過1cm咁厚，不是彈牙果隻牛脷，但是味道好好，係好食嘅牛脷。亂切牛 $90 佢比較細粒，但非常有牛味，估計係靚小小嘅牛亂切出來，物超所值，性價比高。牛柳$110塊牛柳非常厚身，賣相非常驚人，由於佢厚身嘅關係燒極都仲好生，啱晒鍾意食生嘅人，牛柳最高質啊。整體來講三款都好好食，特別推介亂切牛。