影片
更多
2016-12-30
2359 瀏覽
一直都聽朋友講過依間大中華飯店,趁住聖誕假期一大班朋友出黎玩, 一齊黎大排檔食小炒就最好不過, 多人先抵食加嘛!我地一行9人, 夜晚8點半黎到, 等左10分鐘就可以入去,大排檔黎講環境都算唔錯喇, 都乾淨企理,食物選擇超級超級多, 仲有好多普通大排檔食唔到既菜色, 好似鐵板豬手, 炭燒奶豬, 土匪雞咁,特別一提依度仲有甜品食! 不過我地就冇試到喇,點左菜大約10分鐘菜式就陸續送上 黑椒鐵板豬手 ($130)依道係每枱必點既招牌菜,本身我唔係特別鍾意食豬手, 覺得好肥膩,但依道菜完全改變左我對豬手既感觀,用鐵板上咁大隻既豬手本身已經好吸引, 豬手仲整得好腍, 用刀輕輕一整就切得開,加左黑椒成道菜好惹味, 完全冇晒豬手果種肥膩感,果然係中華飯店必食 酥炸大腸 ($80)本身已經好鍾意食豬大腸,依度既酥炸大腸值得一讚, 炸得酥酥脆脆,配埋個醬酸酸甜甜咁, 連身邊平時唔食大腸既朋友都話好味,不過作為豬大腸怪既我就覺得如果佢冇咁乾身, 同埋再肥美D會更好 豉油蝦 (時價)最後埋單冇CHECK到每碟菜分別幾錢,所以唔知道依碟蝦實際價錢~個蝦好入味, 又唔會話太咸, 蝦夠大隻, 脆到可以連殼食, 都
趁住聖誕假期一大班朋友出黎玩, 一齊黎大排檔食小炒就最好不過, 多人先抵食加嘛!
我地一行9人, 夜晚8點半黎到, 等左10分鐘就可以入去,
大排檔黎講環境都算唔錯喇, 都乾淨企理,
食物選擇超級超級多, 仲有好多普通大排檔食唔到既菜色, 好似鐵板豬手, 炭燒奶豬, 土匪雞咁,
特別一提依度仲有甜品食! 不過我地就冇試到喇,
點左菜大約10分鐘菜式就陸續送上
黑椒鐵板豬手 ($130)依道係每枱必點既招牌菜,
本身我唔係特別鍾意食豬手, 覺得好肥膩,
但依道菜完全改變左我對豬手既感觀,
用鐵板上咁大隻既豬手本身已經好吸引, 豬手仲整得好腍, 用刀輕輕一整就切得開,
加左黑椒成道菜好惹味, 完全冇晒豬手果種肥膩感,
果然係中華飯店必食
酥炸大腸 ($80)本身已經好鍾意食豬大腸,
依度既酥炸大腸值得一讚, 炸得酥酥脆脆,
配埋個醬酸酸甜甜咁, 連身邊平時唔食大腸既朋友都話好味,
不過作為豬大腸怪既我就覺得如果佢冇咁乾身, 同埋再肥美D會更好
豉油蝦 (時價)最後埋單冇CHECK到每碟菜分別幾錢,
所以唔知道依碟蝦實際價錢~
個蝦好入味, 又唔會話太咸, 蝦夠大隻, 脆到可以連殼食, 都唔錯!
清蒸花甲 ($100/斤)D花甲超級大隻, 一黎到已經嘩左一聲
個人黎講覺得依道菜都必點, 花甲好新鮮, 又夠大隻, 好有咬口,
配埋個汁仲突出左花甲既鮮味, 正!
豉汁蒸白鱔 ($110)個白鱔蒸得啱啱好, 仲好嫩口, 一D都唔鞋,
又夠肥美
羊腩煲(細)($230)冬天最想點既菜式之一-羊腩煲,
大概係4人份既,
D羊幾肥又冇咩"蘇"味,
仲附送一大兜生菜, D菜吸晒湯底既鮮味, 都係個唔錯既選擇
蠔餅 ($80)$80黎講唔算好大塊,
咁多道菜黎講算係比較失色,
炸得太乾, 同埋蠔唔算好多, 後悔冇點到其他人推介既香蔥炒蠔
魚香茄子煲($80)好有鑊氣, 冬天食暖笠笠超正,
茄子整得好腍, 撈埋D肉碎撈飯食一流,
整體又唔會話太咸, 仲加左少少辣椒, 個味剛剛好
整體黎講, 除左個蠔餅, 所有菜色都冇咩伏,
全部食材都好新鮮, 夠大件, 又夠鑊氣,
有普通小炒食,又有D特別D既選擇,
會同屋企人再黎試, 帶佢地食下地道中菜!
張貼
