飯舍 (已結業)

我日日lunch time都會過來飯舍打卡買飯。因為真係好便宜。完全便宜過自己煮。加上份量多，選擇多。適合我呢D懶人。食飽就掉個飯盒非常開心舒服，唔洗洗碗。首選豉汁蒸排骨，豉香濃郁，帶有鹹味，與蒜蓉混合剁碎後，香味更出。再加少許指天椒碎，豉汁微辣惹味，配合埋排骨，用來撈飯，「無得彈」！其次花菜炒牛肉，牛肉非常嫩滑，而且好有牛味道，西蘭花好好食，爽口，又甜。好味干扁四季豆，蒜頭薑蔥爆香加上老闆秘製醬料，令到四季豆非常香口。而且四季豆非常爽口。總有豬腳飯燜得非常霖，入口即溶，啖啖都係豐富膠質。啱曬我地呢D貪靚女士，美顏滋補。而且入口軟淋總唔會油膩。充滿鹵水味道。好香。