亞萊嘜嘜 (已結業)

天氣太熱啦。。係元朗行一陣已經成日汗，唔周圍搵食。。。佢又咁顯眼，一於食佢記憶中佢無荃灣金坊咁正，所以每次去元朗都唔係正選，但今次返而有少少驚喜6點左右到，好彩唔使等位有得入，90分鐘用餐，咁出名都明架飲品先上，咁熱整返杯西瓜沙冰消暑，飲得出西瓜原味，無話太多糖水太多冰青檸梳打冰有驚喜，青檸幫你篤左再加青檸汁，咁有齊鮮味同原味，仲比埋枝獅子梳打水自己加，其實即係有兩杯份量柚子鮮蝦沙律先上，原本有諗住食生蝦，但次次都食，試下新野。蝦食得出新鮮，但得3隻就少左d囉。柚子幾好，食得出用泰國金柚，無苦味，個汁就唔辣，所以大部份人都啱食然後就到串烤半打，有得拼豬牛雞比較少見，出面多數得雙拼，同泰國人本身唔太食牛，所以正路係得豬雞。一食落去肉質有驚喜，比出面好多串燒都有彈性，仍然分得出三種味，無比大量鬆肉粉污染，可想而知出面個d沙嗲架肉。。。。呢度個沙嗲汁更加好食，一定要點落去至食，個汁多d就好啦點左個香葉肉碎炒河，中途比個炒金邊粉我，一睇就唔對路。。。彈返比佢結果個炒河係食到3分2至到，我諗之前整錯左。用架係叫粿或者板條個種粉，厚而寬。我自己就鐘意廣東河粉，但呢d叫傳統，有佢架風味。少少辣加d好