影片
更多
2016-04-05
553 瀏覽
同朋友喺中上環四處閑逛遊走，走累了隨便到一家餐廳醫肚，最後我們被門口大字「下午茶2-10時」幽了一默，吸引我倆入內試試。知道這裡的撈麵聞名，於是我叫了：「路環香腐角+咖哩辣魚蛋+鹽香車厘茄+咖哩汁撈米粉」配凍檸檳，埋單只需$36，抵！第一口咬的是香腐角，個樣有啲似蛋角，放入口...無味嘅...而且「鞋烚烚」，心裡想像佢索哂啲汁咖嘛...失望（不過好彩！）之後食車厘茄，一咬即刻果皮果肉分離，好多汁，但味道就冇乜特別。魚蛋呢...少少魚味啦，咖哩味好重好香，但好腍唔彈牙。咖哩撈米粉，份量好多，頭幾啖食得好開心，係咁撈呀撈，之後知道出事，越食越辣，標眼水好刺激，朋友問「點解你啲米粉食極都咁多？」我想話佢知：其實我夾吓夾吓都冇乜點放過落口...好彩今次叫凍飲，加上腐角冇索到啲汁，唔係就好似狗仔咁要伸脷散熱...但好奇怪，食到後尾幾啖又唔覺好辣啦喎。至於凍檸檳呢，夠凍！檸味十足！檳味嫌少左啲... 朋友食：「豬大腸+墨魚丸+麻辣豬頸肉+沙嗲撈粗麵」，配熱杏霜，$33 我試左佢啲豬頸肉，味道幾特別，好香濃入哂味但唔會好辣；肉質又係好腍，其實澳門人係咪鍾意食腍啲嘅食物嘅呢？
知道這裡的撈麵聞名，於是我叫了：
「路環香腐角+咖哩辣魚蛋+鹽香車厘茄+咖哩汁撈米粉」配凍檸檳，埋單只需$36，抵！
第一口咬的是香腐角，個樣有啲似蛋角，放入口...無味嘅...而且「鞋烚烚」，心裡想像佢索哂啲汁咖嘛...失望（不過好彩！）
之後食車厘茄，一咬即刻果皮果肉分離，好多汁，但味道就冇乜特別。
魚蛋呢...少少魚味啦，咖哩味好重好香，但好腍唔彈牙。
咖哩撈米粉，份量好多，頭幾啖食得好開心，係咁撈呀撈，之後知道出事，越食越辣，標眼水好刺激，朋友問「點解你啲米粉食極都咁多？」我想話佢知：其實我夾吓夾吓都冇乜點放過落口...
好彩今次叫凍飲，加上腐角冇索到啲汁，唔係就好似狗仔咁要伸脷散熱...但好奇怪，食到後尾幾啖又唔覺好辣啦喎。
至於凍檸檳呢，夠凍！檸味十足！檳味嫌少左啲...
香腐角車厘茄辣魚蛋撈麵+凍飲
$36
98 瀏覽
0 讚好
0 留言
朋友食：
「豬大腸+墨魚丸+麻辣豬頸肉+沙嗲撈粗麵」，配熱杏霜，$33
豬大腸墨魚丸豬頸肉沙嗲撈粗麵+熱飲
$33
59 瀏覽
0 讚好
0 留言
我試左佢啲豬頸肉，味道幾特別，好香濃入哂味但唔會好辣；肉質又係好腍，其實澳門人係咪鍾意食腍啲嘅食物嘅呢？
張貼
