湘野

營業中

休息中

最近喺朋友介紹下試咗間平民湖南小菜館 ，一坐低就聞到陣陣辣香味。我地叫左幾樣野食。辣椒炒肉 湖南菜代表作之一！瘦肉夠滑，辣椒炒到夠香夠惹味，每啖都帶微微麻辣感，唔會太鹹，送飯一流。辣子雞雞件炸到金黃酥脆，入面仲保持肉汁，辣椒鋪到成座山咁，睇落有D驚嚇，但食落都唔係死辣，仲有香氣。蒸蛋啱晒用嚟緩衝一下。好似布甸口感咁，蛋香濃郁，唔使加咩醬油都好味。炒絲瓜炒得好爽口，保留到蔬菜鮮甜，完全唔搶戲，係個完美配角。香辣魷魚鬚香辣味滲入去魷魚鬚，炒得乾身，好有嚼勁但唔鞋，喱個我大推。但係我最估唔到係，今餐最驚喜居然係D白飯。熱辣辣，飯粒分明又帶微微煙韌，比起茶餐廳/酒樓既白飯都好食好多。