影片
更多
2019-07-27
1659 瀏覽
依家食自助餐閒閒地都要四百以上，唔想放題、想享受每樣食少少得閒又行兩轉夾下野食既感覺，山景閣係一個唔錯既選擇第一次試呢度既下午茶，食物大部分屬於輕食，當然亦有少數粥品粉麵等飽肚之選。前菜有沙律菜、牛角包等，雖然係下午茶，酒店都有供應鮮蝦，而且補給次數好密，蝦肉大隻之餘爽滑彈牙，見每枱都至少拎兩大碟中華沙律調得甜中帶微酸，夠哂開胃。壽司質素中規中矩，夠大件，魚生大大塊。雞翼大隻厚肉，唔會好乾身。炸三文魚腩外脆內嫩，炸粉裹得較薄身，食落香口又唔會食到成口粉。仲有黑松露忌廉煮青口，黑松露味就欠奉啦，不過青口口感飽滿，無沙無腥味。豬肉杞子燒賣聽落好平凡，但估唔到味道唔錯，豬肉內餡幾鮮嫩。食小食唔夠飽就拎多個叻沙填下胃，即叫即製，新鮮熱辣冬蔭功湯底酸酸辣辣，加上配料豐富，有蝦有魷魚有豆卜有蛋，一定夠飽肚！甜品區比起其他區更加多元化，pancake生果蛋糕糕點樣樣都有有得自製pancake，好食又好玩蛋糕類一拎哂就轉新款，呢款椰絲蛋糕第一次見，入口紮實帶顆粒，幾好口感雖然偏甜，但食飽黎返件甜品先夠滿足咖嘛～～
第一次試呢度既下午茶，食物大部分屬於輕食，當然亦有少數粥品粉麵等飽肚之選。
前菜有沙律菜、牛角包等，雖然係下午茶，酒店都有供應鮮蝦，而且補給次數好密，蝦肉大隻之餘爽滑彈牙，見每枱都至少拎兩大碟
中華沙律調得甜中帶微酸，夠哂開胃。壽司質素中規中矩，夠大件，魚生大大塊。
雞翼大隻厚肉，唔會好乾身。炸三文魚腩外脆內嫩，炸粉裹得較薄身，食落香口又唔會食到成口粉。
仲有黑松露忌廉煮青口，黑松露味就欠奉啦，不過青口口感飽滿，無沙無腥味。
豬肉杞子燒賣聽落好平凡，但估唔到味道唔錯，豬肉內餡幾鮮嫩。
食小食唔夠飽就拎多個叻沙填下胃，即叫即製，新鮮熱辣
冬蔭功湯底酸酸辣辣，加上配料豐富，有蝦有魷魚有豆卜有蛋，一定夠飽肚！
甜品區比起其他區更加多元化，pancake生果蛋糕糕點樣樣都有
有得自製pancake，好食又好玩
蛋糕類一拎哂就轉新款，呢款椰絲蛋糕第一次見，入口紮實帶顆粒，幾好口感雖然偏甜，但食飽黎返件甜品先夠滿足咖嘛～～
張貼
