影片
更多
2020-12-20
87 瀏覽
今日下就收工約左女朋友到佐敦廟街食下午茶餐。最近無乜胃口，所以想搵間酸酸辣辣既開胃餐廳。於是去左呢間越式餐廳，去到個環境舒服，佈置得好鄉村懷舊，食客都好好，令到環境都寧靜。服務員好有禮貌同比較熱情，幫我地準備好晒啲餐單食具。打開餐單，好似車仔麵咁，有好多配料比你選擇，胃口細既可以叫份量少，胃口大呢就可以加底！大家可以選越式湯河或者撈檬既～亦都有地道前菜小食比大家，飲品除左餐廳常飲之外呢，亦都有越式特飲～事不宜遲，肚仔餓，一於點餸食啦！咁我地叫左一款湯麵同撈檬。豬肉札肉及豆卜配金邊粉（招牌牛骨湯底）好味指數：8/10一上碟，成個擺設佈置覺得好精緻的色，配菜調味料分開上，由客人自己選擇放幾多。牛骨湯飲落去真係好鮮甜，落足料，勁好飲，配埋爽滑既金邊粉連湯一齊連札肉放落口到，簡直無得彈，豆卜索埋啲牛骨湯汁，好味😋。撈檬配香茅牛肉好味指數：10/10鐘意酸辣既朋友就一定要試呢款啦，夠晒開胃！啲配料十足，好多洋蔥同蔥，仲有加埋啲炸蒜，再將檬粉浸埋酸辣汁度放入口，好味到雪雪聲。香茅牛肉都非常好食，好入味，牛肉都好滑好彈牙。前菜及小食：香茅燒牛肉米紙卷好味指數：10/10食越南菜點少得叫米紙卷食呢，粉
今日下就收工約左女朋友到佐敦廟街食下午茶餐。最近無乜胃口，所以想搵間酸酸辣辣既開胃餐廳。
於是去左呢間越式餐廳，去到個環境舒服，佈置得好鄉村懷舊，食客都好好，令到環境都寧靜。
服務員好有禮貌同比較熱情，幫我地準備好晒啲餐單食具。
打開餐單，好似車仔麵咁，有好多配料比你選擇，胃口細既可以叫份量少，胃口大呢就可以加底！大家可以選越式湯河或者撈檬既～亦都有地道前菜小食比大家，飲品除左餐廳常飲之外呢，亦都有越式特飲～
事不宜遲，肚仔餓，一於點餸食啦！
咁我地叫左一款湯麵同撈檬。
豬肉札肉及豆卜配金邊粉（招牌牛骨湯底）好味指數：8/10
一上碟，成個擺設佈置覺得好精緻的色，配菜調味料分開上，由客人自己選擇放幾多。牛骨湯飲落去真係好鮮甜，落足料，勁好飲，配埋爽滑既金邊粉連湯一齊連札肉放落口到，簡直無得彈，豆卜索埋啲牛骨湯汁，好味😋。
撈檬配香茅牛肉好味指數：10/10
鐘意酸辣既朋友就一定要試呢款啦，夠晒開胃！啲配料十足，好多洋蔥同蔥，仲有加埋啲炸蒜，再將檬粉浸埋酸辣汁度放入口，好味到雪雪聲。香茅牛肉都非常好食，好入味，牛肉都好滑好彈牙。
前菜及小食：
香茅燒牛肉米紙卷好味指數：10/10
食越南菜點少得叫米紙卷食呢，粉絲飽滿，牛肉香滑彈牙，再點埋酸辣醬，一口咬落去，成個食道都舒服晒！
蒜香牛油雞翼：好味指數：10/10
一咬落去，係用清脆響亮形容，脆聲大到隔離客聽到，真係岩岩鮮炸，再加埋上面浸蒜茸，咬落連啲肉汁出晒黎，非常好味😋。
牛肉串燒好味指數：9/10
因為牛肉太好食啦，所以都係叫牛肉，牛肉串好足料，燒得岩岩好，啖啖都係肉，淋上沙爹醬，好好食。
飲品：
青檸梳打好飲指數：9/10
食左咁多濃味既美食，呢款最岩清新口味，我勁鐘意酸，唔怕酸既朋友可以試下，感覺好fresh !
珍多冰好飲指數：10/10
椰奶味勁濃，裡面仲有斑蘭椰汁糕粒，唔會甜，香濃幼滑，非常好飲！
店主好好人，食完之後都會送咗一支抗疫酒精搓手液，好warm !
下次一定會再過嚟再食多次！
張貼
