花園餐廳 (已結業)

夏日炎炎想搵個地方坐低傾下計，順便食少少嘢，於是就走左上黎莊士倫敦廣場1樓既花園餐廳。花園餐廳係香港都算歷史悠久，屬於平民價既連鎖扒房。 岩晒我地呢啲平平地又想鋸下扒既食肉獸由於我地入座時間已經過左中午繁忙時間，所以除左午餐之外仲有特價下午茶餐（下午3點後開始）。餐廳環境寬敞，環境寧靜。最鐘意佢有卡位，可以舒舒服服坐1-2個鐘傾計。下午茶餐既選擇都幾多，全部都係$40-$50左右。我地兩個個下午茶餐，黑椒牛扒飯 + 炸魚柳薯條。牛扒都幾大塊，7成熟左右，味道唔錯。魚柳都炸得幾香口，薯條正常。每個下午茶餐都跟1杯餐飲。