阿木台灣麵 (廣華街) (已結業)

今日去咗旺角食台灣野，阿木台灣麵主打正宗台灣牛肉麵、台式便當，肉燥飯，仲有唔少台灣常見但係香港平時好難食到嘅台灣小吃。當中仲有我最鍾意嘅梅子地瓜條，酸酸甜甜，口感香脆，熱辣辣，係會上癮既感覺。我揀咗一碗蕃茄牛肉麵，賣相唔錯，湯底係好濃郁嘅蕃茄味，仲有少少蕃茄蓉，酸酸地幾開胃，亦都唔會太重口味，食完唔會有飽飽滯滯嘅感覺。麵條方面，口感幾彈牙，條條分明，質地唔錯，配埋酸菜同蔥一齊食味道更佳。而牛肉煮得軟稔，肉味都幾香。平時係連鎖餐廳食一碗牛肉麵動輒都七、八十蚊既時候，呢度嘅牛肉麵份量多，味道唔錯，都叫幾抵食。呢度有自家製嘅辣醬賣，拎黎平時煮麵食，冇咁dry~炸物相當大份，台式飲品都有相當多嘅選擇。