更多
2018-05-30
1391 瀏覽
一年一度嘅母親節,當然要帶母親大人去食好野喇!嗰日我就帶咗媽媽去呢間響金鐘太古廣場嘅新式茶樓慶祝。我地叫咗幾個點心,有海膽春卷、龍蝦包、擔擔湯包同黑松露蝦餃,另外仲叫咗石鍋魚湯稻庭烏冬同黑松露手撕雞。海膽春卷外皮炸得好鬆脆,上面放咗鮮甜嘅海膽,鮮味十足;龍蝦包外皮夠軟熟,而且餡料有一粒粒嘅龍蝦肉,味道相當唔錯;至於擔擔湯包就夠曬創意,其實即係擔擔麵味嘅小籠包,唔會太辣,食落幾香口;黑松露蝦餃入面嘅蝦肉爽口彈牙,而且充滿黑松露香味,齒頰留香。石鍋魚湯稻庭烏冬湯底鮮甜,唔似落咗味精,烏冬夠軟滑,仲有啖啖魚肉!我個人認爲黑松露手撕雞係最好味嘅,鷄皮炸得香脆,但係一d都唔油膩,黑松露香味恰到好處,唔會蓋過鷄肉嘅鮮甜味道,真係食到停唔到口!整體黎講,呢間餐廳嘅食物味道、服務質素同環境都相當唔錯,唔怪得咁多人慕名而來啦~所以大家如果想去呢間餐廳食飯,就記得要訂位啦~
我地叫咗幾個點心,有海膽春卷、龍蝦包、擔擔湯包同黑松露蝦餃,另外仲叫咗石鍋魚湯稻庭烏冬同黑松露手撕雞。海膽春卷外皮炸得好鬆脆,上面放咗鮮甜嘅海膽,鮮味十足;龍蝦包外皮夠軟熟,而且餡料有一粒粒嘅龍蝦肉,味道相當唔錯;至於擔擔湯包就夠曬創意,其實即係擔擔麵味嘅小籠包,唔會太辣,食落幾香口;黑松露蝦餃入面嘅蝦肉爽口彈牙,而且充滿黑松露香味,齒頰留香。石鍋魚湯稻庭烏冬湯底鮮甜,唔似落咗味精,烏冬夠軟滑,仲有啖啖魚肉!我個人認爲黑松露手撕雞係最好味嘅,鷄皮炸得香脆,但係一d都唔油膩,黑松露香味恰到好處,唔會蓋過鷄肉嘅鮮甜味道,真係食到停唔到口!
整體黎講,呢間餐廳嘅食物味道、服務質素同環境都相當唔錯,唔怪得咁多人慕名而來啦~所以大家如果想去呢間餐廳食飯,就記得要訂位啦~
張貼