影片
更多
2021-10-25
7305 瀏覽
疫情後，已經有一段日子沒去吃自助餐了，加上近日大閘蟹當道，就更加少機會。今次特意介紹一下北角Hyatt Centric 酒店的 Buffet，原因好簡單，因為可以帶埋自己心愛既毛孩一齊用餐（30公斤以下），環顧香港各大小自助餐都不出三間，而且論用餐區，相信 The Farm House 地方最大，最窩心係狗狗有自己專屬Menu，不過部位食物要預訂，各位毛孩主人要注意。餐廳附設露天用餐區，相當寬敞闊落，毛孩亦有專用食具，客人無須自備，已經是一個賣點，當日就有主人跟毛孩在夕陽黃昏下細細享用美食。近入口處是 Anchor 牛油專區，大量甜品以 Anchor 牛油炮製，別具特色，稍後會再同大家分享。食Buffet當然要有回本位，先由海鮮講起。海鮮半開波士頓龍蝦Refill 得好快，值得比個讚，好多龍蝦都有紅彤彤的蝦膏，蝦肉亦彈牙，難怪見有食客一次過拎兩三隻喪食。咖啡蟹同樣係好多膏，但蟹殼比較硬，想食蟹肉要花些少力。另外，仲有海蝦、翡翠螺、藍貝及沙白，都在水準以內，食得過。刺身有牡丹蝦、八爪魚、希靈魚、吞拿魚、油甘魚及三文魚。個人比較喜歡牡丹蝦及油甘魚，整體解凍處理得宜，沒半點雪味，肉質亦保持應
疫情後，已經有一段日子沒去吃自助餐了，加上近日大閘蟹當道，就更加少機會。
今次特意介紹一下北角Hyatt Centric 酒店的 Buffet，原因好簡單，因為可以帶埋自己心愛既毛孩一齊用餐（30公斤以下），環顧香港各大小自助餐都不出三間，而且論用餐區，相信 The Farm House 地方最大，最窩心係狗狗有自己專屬Menu，不過部位食物要預訂，各位毛孩主人要注意。
餐廳附設露天用餐區，相當寬敞闊落，毛孩亦有專用食具，客人無須自備，已經是一個賣點，當日就有主人跟毛孩在夕陽黃昏下細細享用美食。
近入口處是 Anchor 牛油專區，大量甜品以 Anchor 牛油炮製，別具特色，稍後會再同大家分享。食Buffet當然要有回本位，先由海鮮講起。
海鮮
半開波士頓龍蝦
Refill 得好快，值得比個讚，好多龍蝦都有紅彤彤的蝦膏，蝦肉亦彈牙，難怪見有食客一次過拎兩三隻喪食。
咖啡蟹同樣係好多膏，但蟹殼比較硬，想食蟹肉要花些少力。
另外，仲有海蝦、翡翠螺、藍貝及沙白，都在水準以內，食得過。刺身
有牡丹蝦、八爪魚、希靈魚、吞拿魚、油甘魚及三文魚。
個人比較喜歡牡丹蝦及油甘魚，整體解凍處理得宜，沒半點雪味，肉質亦保持應有彈性。
講完兩個比較受歡迎食物後，鏡頭一轉，又到食肉獸時間。
扒類、燒烤及熱葷區，就在餐廳最後邊的地方，自成一國。
Carving Station
一入門口，就傳來陣陣肉香，原來是烤安格斯黑牛肉眼及烤豬腩卷。
想食medium rare 肉眼的朋友，比少少時間，留待切至中間位置先出手。烤豬腩卷當然邪惡，豬肉好脆口，而油份甘香，如果可以，送啤酒一流。
熱葷
比起開業時，熱葷可以說是大躍進。
即煮松露蘑菇芝士扭紋粉，熱辣辣，又煮到 al dente，芝士味特濃，我鍾意。相比好多酒店自助餐，都會以中式熱葷作主打，但 The Farm House 卻是約50比，若閣下是喜歡西餐的朋友，相信會更合適。
在地中海式三文魚、芝士肉丸配番茄醬、阿根廷燒春雞、法式紅酒燴牛肉、黑松露薯蓉及煙肉洋蔥法邊豆中，燒春雞無疑較突出，雞皮滿是香草的味道，而雞肉則保持嫩滑。
餐廳亦抽出部位地方擺放印度菜色，包括有咖喱羊肉、印度薄餅、印度香米、印度烤餅、泰式燒豬頸肉及青咖哩雜菜。其實咖喱試過並非太辣，用來拌印度香米就更加有風味。
中菜方面，有清蒸鱸魚、黑蒜薄荷羊肉粒、XO露筍粟米筍炒蝦球及洋薏爆粒飯。仲有椒鹽粟米及米網蝦春卷。
燒味
有自家出品豉油雞、燒鴨及叉燒。
湯
中湯是老黃瓜紅蘿蔔豬骨湯，幾有家庭湯水感覺。
而西湯是忌廉蘑菇湯，質地香滑，濃郁菇菌味，加上有蘑菇片，不錯。湯麵
作為「澱粉怪」，當然會整返碗湯麵打底，配料有肥牛、雲吞、海蝦、豆卜、豬肉丸、蘿蔔、白菜及菜心，麵底有油麵同烏冬供選擇。
除了喇沙湯加持外，仲有清湯底。
食落幾香，而且辣辣地，幾開胃。沙律、芝士及 Cold Cut
至於有柚子沙律、希臘沙律、泰式粉絲蝦沙律同法式薯仔沙律。
喜歡芝士的，亦有Blue Cheese、Bire及Conite。
又有煙三文魚沙樂美腸及凍肉盤。
甜品
Anchor 牛油專區
文首提過一入門口已經勁多甜品，整個 Anchor 區有迷你菠蘿油、紅莓開心果泡芙、玫瑰紅桑子馬卡龍、士多啤梨檸檬貝殼蛋糕以及朱古力布朗尼曲奇，全部都係用 Anchor 牛油製成，個人最鍾意都係迷你菠蘿油，始終有本地情意結嘛！
XTC本地品牌全香港我諗不出三間有旋轉雪糕機，而 The Farm House 係其中一間。
以前擺邊款雪糕已不重要，家陣係支持本土出品，用上XTC，口味多完化，而且夾雜不少本地元素，計有椰子、港式奶茶、綠茶、意大利芝士蛋糕、芒果雪糕、焦糖、熱情果、雲呢拿、士多啤梨、朱古力、清薑雪糕及開心果，充滿了玩味。
雪糕講完，又有即製梳乎厘班戟配焙茶芝士奶霜。
其他甜品仲有聖安道蛋糕、紅莓棒棒蛋糕、巴斯克芝士蛋糕、伯爵茶焦糖燉蛋、法式紅桑子小蛋糕、檸檬芝士布甸及雲呢拿撻。
凍櫃內可找到夏洛特蛋糕、香檳燴梨啫喱、檸檬蛋白批、紅莓蛋糕、熱帶水果冧酒蛋糕、三重朱古力蛋糕、綠茶紅莓法式蛋糕、熱情果慕斯蛋糕及鮮果法式牛油酥餅。單是整個甜品陣容，已經可以另開 Dessert Buffet。
飲品
家陣已經好少餐廳只係提供一杯，大多數係擺部咖啡機同茶包，等客人可以自助。
如果無記錯，以前係有樽裝汽水但近年不知是否停產，市面已不多見，餐廳只有罐裝汽水供應。整體而言比起開業是進步不少，水準亦算穩定，尤其是甜品有花多眼亂的感覺，可以同毛孩一齊享用更是賣點。
P.S : 星期一至四 成$638 長者/小童$318
星期五至日、公眾假期及公眾假期前夕 成人$688 長者/小童348
張貼
