炑八韓烤親子餐廳

營業中

休息中

今日去觀塘呢間炑八韓烤親子餐廳，真係超正！佢哋唔止啲嘢食夠晒味，仲有好多啱晒小朋友嘅嘢玩，等啲細路唔會扭計悶親！佢哋個貓貓脆皮炸豬排漢堡一上枱，即刻冧晒小朋友！🍔🐱 豬排炸到卜卜脆，仲整到貓貓咁得意🍟🥗再加個原個西瓜飲🍉，成個西瓜捧上嚟，夠晒霸氣又消暑！至於我哋大人嘅海洋妙妙餐，真係乜都有齊！原隻大雞髀啖啖肉，辣八爪魚夠惹味，嚴選外群肉同極上牛肋條配蔥蒜香到不得了，牛舌爽口彈牙，仲有我最愛嘅韓式秘製醬油五花肉🥓，鹹甜適中，包生菜一流！另外個煎餅都好香口！仲有個摩天輪小食🎡，入面有壽司卷、蛋卷、薯條、炸年糕同薯格，啱晒小朋友開心share！食到熱辣辣，梗係要嚟碗蜜瓜沁涼刨冰降下溫啦，冰凍清甜，正！佢哋啲裝修好有韓國Feel🇰🇷，好似去咗韓國屋企咁！最驚喜嘅係佢哋有個波波池🩵，食飽飽可以俾啲小朋友去放電，大人就可以輕鬆吓！仲有呀，佢哋有個小漁夫漁獲記貼紙收集卡，聽講儲夠可以換嘢玩，又多個動力等小朋友乖乖食飯！