影片
更多
2017-09-07
252 瀏覽
有兩個朋友話好耐冇見，尤其係掛住我個小寶寶，於是我就回應，已經唔係小寶寶了，佢成為了一個小魔怪！去到銅鑼灣搵佢地兩個食飯，雖然係有啲遠，但係難得佢哋咁有心，在所不辭！拎住小魔怪穿越咁多個地鐵站去到目的地，真係好唔容易，去到店員都好細心，為我地放張BB櫈俾仔仔坐，等佢可以食得舒服啲。未係好肚餓住，先食d菜清一清味蕾！野菜棒配FireBird特製味噌 :呢個望落去都幾raw但我都幾鍾意，就咁生食蔬果食落肚好似真係好dry，但係其實個靈魂在於佢個醬汁，用清新嘅蔬果點一點變得好易入口，而且好惹味。燒味醂雞泡魚乾雞泡魚乾都燒得幾淋，惹味的小食。Pink Lady:呢杯pink lady我十分之欣賞，果香好重，整個杯邊都有少少鹽，沿着個杯邊飲，先係沾到少少鹽嘅時候再啜一啖飲品，兩種味道十分之搭調。鹽燒鮭魚腩：燒三文魚燒得好香，裏面啲三文魚油又溶緊出嚟，我個仔平時都唔多鍾意食魚，但係俾佢食咗一啖之後，佢都係咁話要食呢個！秘傳雞肉火鍋：我望落去細細個，裏面其實好足料，勁多菜，仲有三兩舊滑溜溜的豆腐（我最鍾意的） ，而且仲有一大舊雞肉，即使煮過，食落去都覺得幾滑，仲可以追加烏冬，個湯都幾夠味，啲烏冬索咗
有兩個朋友話好耐冇見，尤其係掛住我個小寶寶，於是我就回應，已經唔係小寶寶了，佢成為了一個小魔怪！
去到銅鑼灣搵佢地兩個食飯，雖然係有啲遠，但係難得佢哋咁有心，在所不辭！拎住小魔怪穿越咁多個地鐵站去到目的地，真係好唔容易，去到店員都好細心，為我地放張BB櫈俾仔仔坐，等佢可以食得舒服啲。
未係好肚餓住，先食d菜清一清味蕾！
野菜棒配FireBird特製味噌 :
呢個望落去都幾raw但我都幾鍾意，就咁生食蔬果食落肚好似真係好dry，但係其實個靈魂在於佢個醬汁，用清新嘅蔬果點一點變得好易入口，而且好惹味。燒味醂雞泡魚乾
雞泡魚乾都燒得幾淋，惹味的小食。
Pink Lady:
呢杯pink lady我十分之欣賞，果香好重，整個杯邊都有少少鹽，沿着個杯邊飲，先係沾到少少鹽嘅時候再啜一啖飲品，兩種味道十分之搭調。
鹽燒鮭魚腩：
燒三文魚燒得好香，裏面啲三文魚油又溶緊出嚟，我個仔平時都唔多鍾意食魚，但係俾佢食咗一啖之後，佢都係咁話要食呢個！
秘傳雞肉火鍋：
我望落去細細個，裏面其實好足料，勁多菜，仲有三兩舊滑溜溜的豆腐（我最鍾意的） ，而且仲有一大舊雞肉，即使煮過，食落去都覺得幾滑，仲可以追加烏冬，個湯都幾夠味，啲烏冬索咗個湯嘅味，食落去又滑溜又滋味。
牛肉串燒盛合：
超鍾意呢一個串燒，之前食過金菇肥牛，但係冇諗過原來牛肉係可以包住秋葵！食落去好有新鮮感，啲牛肉好香，最緊要就係個醬汁，個醬汁幾甜好惹味。
燒日本甜薯配抹茶雪糕：
呢個甜品勁正！綠茶雪糕少少甜再加下面温熱的番薯蓉，兩種温度，兩種口感，兩種甜，一個字：正！
張貼
