影片
更多
2021-06-04
71 瀏覽
前排放工約咗同事去尖沙咀行商場然後近近地去咗附近棉登徑揾食經過牛魔嗰時透過落地大玻璃比呢幅壁畫吸引咗埋去；見到餐廳座位寬敞用餐空間亦都難得闊落加上價錢合理決定入去試吓入座冇幾耐隨即奉送中華沙律以及韓式泡菜兩小碟美國Prime醬油牛肋骨掌心大小嘅牛肋骨卷厚薄適中且油花分布細密；攤開舊牛肋骨仲長過個爐面完全唔知應該點燒先啱好彩餐廳侍應主動過嚟幫手；首先每面燒佢廿秒左右直至見到兩邊有啲金黃；然後就用鉸剪分開骨頭同肉再對半剪開擺喺爐面兩旁火力較分散嘅鐵板度繼續燒肉；同時利用鐵鉗邊沿嘅鋸齒將骨頭上嘅筋膜剝離之後剪細粒牛肋肉肉質軟嫩加上經過醬油醃漬肉味更加濃郁；筋膜部分口感爽脆食落有啲似雞軟骨幾得意牛香蔥牛舌牛舌每碟七片而且全部薄切稍微燒下已經食得；香蔥用咗牛脂爆香配埋牛舌食口感脆嫩得嚟帶啲蔥嘅清香西班牙黑毛豬豬頸肉西班牙黑毛豬由於獨特嘅飼養方式肉質相對清爽就算豬頸肉部位本身油脂比較豐腴整體都唔會覺得太過油膩泡菜豚肉煎餅煎餅外層微焦香脆咬開軟糯煙韌配埋泡菜酸辣惹味而且仲加咗豚肉粒豐富口感日式炒烏冬日式炒烏冬當然唔少得雜菜以及海鮮呢兩樣經典配搭彈牙嘅烏冬同埋大量木魚片真係冇得輸乳酸梳打特飲/鳳梨梳打
經過牛魔嗰時透過落地大玻璃比呢幅壁畫吸引咗埋去；見到餐廳座位寬敞用餐空間亦都難得闊落加上價錢合理決定入去試吓
入座冇幾耐隨即奉送中華沙律以及韓式泡菜兩小碟
美國Prime醬油牛肋骨
掌心大小嘅牛肋骨卷厚薄適中且油花分布細密；
攤開舊牛肋骨仲長過個爐面完全唔知應該點燒先啱好彩餐廳侍應主動過嚟幫手；首先每面燒佢廿秒左右直至見到兩邊有啲金黃；
然後就用鉸剪分開骨頭同肉再對半剪開擺喺爐面兩旁火力較分散嘅鐵板度繼續燒肉；
同時利用鐵鉗邊沿嘅鋸齒將骨頭上嘅筋膜剝離之後剪細粒
牛肋肉肉質軟嫩加上經過醬油醃漬肉味更加濃郁；筋膜部分口感爽脆食落有啲似雞軟骨幾得意
牛香蔥牛舌
牛舌每碟七片而且全部薄切稍微燒下已經食得；香蔥用咗牛脂爆香配埋牛舌食口感脆嫩得嚟帶啲蔥嘅清香
西班牙黑毛豬豬頸肉
西班牙黑毛豬由於獨特嘅飼養方式肉質相對清爽就算豬頸肉部位本身油脂比較豐腴整體都唔會覺得太過油膩
泡菜豚肉煎餅
煎餅外層微焦香脆咬開軟糯煙韌配埋泡菜酸辣惹味而且仲加咗豚肉粒豐富口感
日式炒烏冬
日式炒烏冬當然唔少得雜菜以及海鮮呢兩樣經典配搭彈牙嘅烏冬同埋大量木魚片真係冇得輸
乳酸梳打特飲/鳳梨梳打特飲
兩杯梳打特飲酸甜清新而且汽泡感足啱哂依家天氣咁熱嘅天氣
張貼
