影片
更多
2021-12-02
184 瀏覽
第一次肯花時間打食評，就俾左呢間地道小店… 晴空。因為睇得出師傅真係好有心思，值得分享。適逢老婆生日又係星期五，可以掉低兩個仔去食晚飯。係好多唔同既群組都睇到有關「晴空」既食評，一面倒都係讚，老實講，感覺係….. 乜咁揼本搵人寫正評呀🤭 ！或者係香港呢個地方，習慣左懷疑卦。不過過往兩三星期，見到食評越嚟越多，又撞啱老婆生日想食Omakase，所以諗住試下，反正都係「訂到位先算啦！」老實講，尋晚去食，係有d期待，但又唔會好似成世無食過刺身壽司咁，都係抱住去試下新型，期望有d驚喜食到D未食過既味道。回應番第一句，唔鍾意打字作文，所以每件每款食左D乜好唔好食，請恕我懶，自己睇相，自己親身去嘗試。但食物既質素整體係高，隻蠔配上自製既醬汁，味道好出好鮮；果件火灸拖羅包上紫菜，口感同味道真係形容唔到咁好味；汁煮吞拿魚面頰好過癮，口感似牛腩但腍同有魚味。另外，”鬢辮”深海池魚無論味道同賣相都真係一流。而成晚最大驚喜，真係火灸鰈魚 同 火灸蝦膏配牡丹蝦……火灸鰈魚：入口感覺到塊刺身係個口到溶化，魚油溶係口但一d都唔膩，真係一絕。火灸蝦膏配牡丹蝦：個人而言就真係好好味，蝦膏好香，牡丹蝦好新鮮好彈牙，而兩
適逢老婆生日又係星期五，可以掉低兩個仔去食晚飯。係好多唔同既群組都睇到有關「晴空」既食評，一面倒都係讚，老實講，感覺係….. 乜咁揼本搵人寫正評呀🤭 ！或者係香港呢個地方，習慣左懷疑卦。不過過往兩三星期，見到食評越嚟越多，又撞啱老婆生日想食Omakase，所以諗住試下，反正都係「訂到位先算啦！」
老實講，尋晚去食，係有d期待，但又唔會好似成世無食過刺身壽司咁，都係抱住去試下新型，期望有d驚喜食到D未食過既味道。
回應番第一句，唔鍾意打字作文，所以每件每款食左D乜好唔好食，請恕我懶，自己睇相，自己親身去嘗試。
但食物既質素整體係高，隻蠔配上自製既醬汁，味道好出好鮮；果件火灸拖羅包上紫菜，口感同味道真係形容唔到咁好味；汁煮吞拿魚面頰好過癮，口感似牛腩但腍同有魚味。另外，”鬢辮”深海池魚無論味道同賣相都真係一流。而成晚最大驚喜，真係火灸鰈魚 同 火灸蝦膏配牡丹蝦……
火灸鰈魚：入口感覺到塊刺身係個口到溶化，魚油溶係口但一d都唔膩，真係一絕。
火灸蝦膏配牡丹蝦：個人而言就真係好好味，蝦膏好香，牡丹蝦好新鮮好彈牙，而兩者入口果個味道真係好X爽！
以下係Omakase「空」Set其中主打推介：
以為食完個Omakase就完🤣，當我老婆已經食到飽飽，我忍唔住叫多左個12件壽司Set。
師傅好有心機，每件清楚介紹佢地既出處、來源、味覺，即使一D係其他壽司店都食到既魚，例如金鯛、深海池魚、秋刀魚等，味道都唔一樣，非常滿足。
食完12件壽司，見仲有d餓🤦🏻♂️，加上全程見到好多人叫「海膽蟹肉炒飯」，忍唔到口，終於都係要叫埋，加多件牡丹蝦刺身…… 好滿足😚
其實好唔好食，抵唔抵食，每個人都有唔同感受，我老婆同我就覺得好好味，一定會再黎試其他野。
張貼
