影片
更多
2007-07-28
8 瀏覽
26/7 晚上星期已book定sofa卡位,因為我地有個大肚婆,想佢坐得舒服點~ book左6:30pm,因驚會好多人,所以早點6:05到,個部長話:"你book左6:30pm喎~" 我話:"係呀"(早到都唔得?),佢話要等喎~ 但無解釋點解......ok,出面有d坐位,咁大肚婆可以坐住等~~我地總共4個人,但套餐唔係心目中想食o個d,所以散叫~(無得食佢o個個人人話好食嘅餐紅豆沙呀!)1.沙拉腿球- 素肉ok,但個外皮好似油炸鬼,較硬(之前係x萬食過另一間好鬆趣,好食好多~)2.上海烤夫- 係麵筋,樣子唔討好,但味道ok~3.乳豬拼福餅- 好細件(之前O係葵涌廣場另一間食嘅好味d)同埋一定要熱食,凍左唔好食,特別係d福餅(飽),我地放耐左一陣就變得好硬,所以有兩件無食到~4.鹹魚茸菠菜- 個講唔正廣東話嘅女侍應落錯左薑茸菠菜,同埋佢好似唔熟D菜單,不過個菠菜都OK,好嫩呀~ 5.椒盬香酥骨- 炸素肉好食,唔油,但我鍾意食有汁個D6.五柳素黃魚- 腐皮炸得幾硬同乾,五柳汁唔夠味7."足"笙燴素翅- 夠杰,但連一向食淡野嘅朋友都話好淡~(最好唔呢個)8.楊枝金露- 太稀,朋友話d忙果好
上星期已book定sofa卡位,因為我地有個大肚婆,想佢坐得舒服點~
book左6:30pm,因驚會好多人,所以早點6:05到,個部長話:"你book左6:30pm喎~" 我話:"係呀"(早到都唔得?),佢話要等喎~ 但無解釋點解......ok,出面有d坐位,咁大
肚婆可以坐住等~~
我地總共4個人,但套餐唔係心目中想食o個d,所以散叫~(無得食佢o個個人人話好食嘅餐紅豆沙呀!)
1.沙拉腿球- 素肉ok,但個外皮好似油炸鬼,較硬(之前係x萬食過另一間好鬆趣,好食好多~)
2.上海烤夫- 係麵筋,樣子唔討好,但味道ok~
3.乳豬拼福餅- 好細件(之前O係葵涌廣場另一間食嘅好味d)同埋一定要熱食,凍左唔好食,特別係d福餅(飽),我地放耐左一陣就變得好硬,所以有兩件無食到~
4.鹹魚茸菠菜- 個講唔正廣東話嘅女侍應落錯左薑茸菠菜,同埋佢好似唔熟D菜單,不過個菠菜都OK,好嫩呀~
5.椒盬香酥骨- 炸素肉好食,唔油,但我鍾意食有汁個D
6.五柳素黃魚- 腐皮炸得幾硬同乾,五柳汁唔夠味
7."足"笙燴素翅- 夠杰,但連一向食淡野嘅朋友都話好淡~(最好唔呢個)
8.楊枝金露- 太稀,朋友話d忙果好酸~
呢度最好係d野唔係好油,下次要試下個咕嚕肉先得~~
仲有,好明顯地佢地樓面係好唔夠人手嘅~~
其實一,兩年前食過呢間,覺得佢好似退步左~
唔算貴, 但幾失望~
留意: dbs 咭有9折~
以前時時食呢D 似肉嘅素食,葵涌廣場o個間執左,'siu'萬9樓o個間搬左,仲有邊間好食呀?
p.s.走嘅時候見到有個男客人向個部長講:"而家係咪你地忙就唔駛理d客人呀......" ,我地去完洗手間出返黎,見到有兩個警察,其中一個同個部長講緊野......
張貼