名館 (已結業)

今日同家人去希慎行街，不想周圍覓食，就腳就在希慎上面找間中菜館，見到位於14樓這間名館感覺不錯入去試試，看看菜單菜式都幾多選擇。胡麻醬鮮淮山 $52賣相排到成座山咁，上面蘸滿胡麻醬，入口極爽脆，有驚喜。五仁無骨口水雞雞肉好嫩滑，加上無骨啖啖肉，帶有小辣，幾惹味，連埋脆卜卜嘅五仁食，口感豐富。鮮肉一口小籠包 $58皮薄餡靚裏面肉汁豐富，夾起不易爛，新鮮美味可口。香煎黃金小米糕 $48睇落幾有質感，咬落去表面煎得微脆，食落有淡淡嘅米香，質感鬆軟可口，幾有特色。自製菌皇醬蒸鮮腐竹$58用上腐竹做主菜，看來自製的菌皇醬一定內有乾坤，入口果然特別，味道調配不錯，腐竹好腍滑，整體好夾。和風櫻花蝦炒飯 $98份量都幾足，飯睇落乾身，粒粒分明，上面舖滿櫻花蝦，入帶酥脆有咬口，整個炒飯配上櫻花蝦和蟹籽加不少分，炒飯口感豐富。川辣小炒王 $98炒得夠火喉，帶微辣夠惹味，當中有蓮藕、薯仔、五花肉、魷魚、紅椒等多款材料，入味之余又不失本來的味道。蜜椒土豆安格斯牛柳粒 $98牛柳粒醃得入味，肉質腍軟，最欣賞係個炸薯仔粒，外表真的和牛柳粒好似，入口才發現，外脆內軟，還有點焦香，實在有驚喜。懷舊蛋散 $30蛋散好酥