名館 (已結業)

今日去左銅鑼灣行街，正是晚飯時候，上左希慎上面睇下有咩野食，最後選左位於十四樓嘅名館！餐廳環境舒適，服務良好，會主動介紹食物，上碟時間都算快！我地兩個人嗌左蝦餃皇，好好食，包好薄，入面好多蝦，好爽口彈牙，一碟有三粒，都算大粒！另外鮑汁扣豬手都好好食，一上碟就好香，豬手好軟身，鮑汁都好入味，一碟都好多，食到好飽，超值！仲有嗌左個炒飯，叫鮑魚雞粒炒飯，用石窩上碟，可以保持到飯嘅熱度，炒得好香，好多鮑粒，吾錯！嗌左個菜，貓耳百合炒勝瓜，好得意，貓耳即係黑木耳？加埋勝瓜同百合炒幾清新，我都係第一次食百合，好脆口，味道較淡！好岩我！另嗌左個好特別嘅湯，叫泰國芫茜皇燉鷓鴣，我都係第一次飲，好清，但又好鮮甜，而鷓鴣肉質好冧好軟，少少似軟身嘅雞肉，泰國芫茜就好似日本昆布，都好好食！最後，食左個甜品雪糕吐思，我覺得係最有一驚喜嘅，雖然要等耐少少，不過都好值得，同埋店員都有提我地要等，所以其實都ok！想講一嚟到外表就好吸引！又好多水果，有藍莓，士多啤梨，奇異果，等等！仲有兩球雪糕，吐思好脆又好細心切得一小塊一小塊咁方便食。好味道！！整體全部都ok，但蝦餃同最後嗌嘅甜品最有驚喜，地方舒適，服務都好好，價錢合